三色貓系列

出自維基百科,自由嘅百科全書
Jump to navigation Jump to search

 三色貓系列粵拼saam1 sik1 maau1 hai6 lit6日文三毛猫みけねこホームズシリーズ(Mike Neko Hōmuzu Shirīzu)),推理小說系列,長短篇小說幾十篇,日本赤川次郎所寫,受日本人歡迎,賣出幾百萬本。亦有唐字翻譯本,香港臺灣各有譯本,譯本書題不盡相同。三色貓系列,亦叫三色貓推理系列、三毛貓福爾摩斯系列、三色貓福爾摩斯系列。

系列構思自一九七五、七六年。一九七八年出版首本長篇,三色貓推理。至今二〇一八年,系列仍有連載

系列構思一貫,通常有命案。主角叫片山義太郎刑事警察,屬警視廳,冒失平凡,怕高怕血怕女人,偏偏遇到血案,偏偏同各篇女主角有艷遇。因案件收留咗隻貓乸,三色貓,叫福爾摩斯,正正係英國小說偵探福爾摩斯同名。曉聽人話,又曉查案,時時提醒主角破案關鍵。系列其他角色有義太郎個妹,片山晴美,好奇心重,幫亞哥查案,堅持亞哥未娶唔結婚。姑媽兒島光枝,經常做媒,想兄妹都盡早成家立室,安排相睇。石津刑警,屬目黑警署,中意晴美,自稱戀人。栗原警視,義太郎上司,成日耍義太郎,唔畀佢辭職。根本刑警,義太郎前輩。南田法醫,風趣驗屍官

三色貓曾經改篇成電視戲,不過設同原著有分別。

[編輯]

  1. 三色貓推理。長篇。
  2. 三色貓追蹤。長篇。
  3. 三色貓怪談。長篇。
  4. 三色貓死亡樂章。長篇。
  5. 三色貓私奔。長篇。
  6. 三色貓恐怖館。長篇。