元宵

  「上元」跳轉到呢度。假如你想揾嘅係其他用法，請睇「上元 (搞清楚)」。

香港屯門公園綵燈會嘅蜜蜂造型花燈（2016年）

花燈燈飾

元宵節，簡稱上元節，東亞節日，指傳統曆正月十五，唐人認定新年最後一日，但有啲地方會包埋前後幾日。唐人會食湯丸過節，亦通常有花燈會，可以睇花燈同埋猜燈謎。新界有啲地方仍然有點燈嘅習俗。又叫中國情人節或者元宵節，舊時呢日啲男女出外睇燈，順便結識。元宵個元可指上元，宵指夜，呢日夜晚月光好圓。佢又叫燈節，英文叫佢燈籠節。

來源一說漢時經已有，話呂雉之後，劉恆登位，十五嗰日，出宮同民間慶i祝，叫做元夕、元夜咁。但亦有說追至秦末，持火把驅蟲求今年豐收。

道教一年有上元、中元、下元三節。上元拜天官，中元拜地官，下元拜水官。而越南都跟道教叫做上元節 （tết Thượng Nguyên 節上元）。而日本就叫小正月，朝鮮就叫大滿月。

上元節

上元天官誕（粵拼：soeng6 jyun4 tin1 gun1 daan3）亦係新年至後嗰日，傳統曆正月十五，簡稱上元節、減筆寫做上元天官𧩙、上元天官旦，長名上元天官賜福聖誕，係上元天官，即係天官嘅寶誕。寶誕響正月十五 。上元天官誕又叫上元節 、或者上元，係道敎重要節日，亦係唐人重要節日。

呢一日亦係新年最後一日。夜晚嘅時間，叫元宵或者元宵節，唐人會食湯丸過節，亦通常有花燈會。