湯圓

湯圓（粵拼：tong1 jyun4*2），又叫湯丸^[1]^[2]（如「女人湯丸」^[3]），意謂團圓，係一種由糯米粉整嘅中國嘢食。啲糯米粉加少少水，整成一個波形，然後再用滾水煮熟，響適中嘅溫度享用。而有一啲甜嘅餡料響個湯圓入面嘅又叫佢做元宵。

煮湯圓嘅方法可以有好多種，響廣東同埋台灣就會用糖水；而糖水亦可以用紅豆，又或者薑加冰糖整成嘅。

有餡嘅湯圓（元宵）係可以加入好多種餡料，包括紅豆沙、花生碎粒同糖、芝麻餡（黑芝麻糊加埋豬油同埋糖）、冰糖（係整一個熱嘅，好似焦糖咁嘅餡）等。