靈元天皇
(由上皇識仁跳轉過嚟)
靈元天皇（日文：霊元天皇／れいげんてんのう Reigen Tennō；1654年7月9號—1732年9月24號）係日本第一百一十二位天皇，原名識仁，又叫高貴宮識仁親王，響1663年3月5號至到1687年5月6號在位。
經歷[編輯]
佢啱出世冇幾日已經畀佢大佬、當時嘅天皇後光明天皇指定佢係接班人，但係後光明天皇同年就死咗，所以就由佢另一個大佬秀宮良仁親王暫時繼位，即係後西天皇。響1663年，後西天皇正式交返個皇位畀高貴宮識仁親王，佢就叫做靈元天皇。
靈元天皇比較強硬，意志十分堅定、作風非常豪邁。佢都會同人好清楚咁表達自己嘅諗法。佢在位嘅時候，恢復咗例如大嘗祭等等嘅古代禮儀，令到日本好多傳統可以一直流傳落嚟，所以佢對日本文化有幾大貢獻。
響1684年，靈元天皇開始想讓位畀個仔皇太子朝仁親王，但係畀江戶幕府將軍德川綱吉挽留。終於響1687年，靈元天皇讓位畀皇太子朝仁親王，朝仁就叫做東山天皇，而靈元天皇就做太上皇，以上皇身份院政。但係佢強硬嘅作風就畀幕府加強對皇室內政嘅干涉，所以最後靈元天皇（嗰時叫佢做上皇識仁）被逼中止院政。
響1709年，仔東山天皇（嗰時叫佢做上皇朝仁）因為天花而死咗，但係當時嘅天皇中御門天皇只有七歲，所以靈元天皇被逼「重出江湖」做上皇。
佢響1713年剃頭出家，係太上法皇，法名「素淨」。佢響1732年9月24號（即享保十七年）死咗，終年七十八歲。
佢係日本最後一個太上法皇。