東山天皇

出自維基百科,自由嘅百科全書
跳去導覽 跳去搵嘢
東山天皇

東山天皇日文:東山天皇/ひがしやまてんのう Higashiyama Tennō1675年10月21號1710年1月16號)係日本第一百一十三代天皇,原名朝仁,又叫皇太子朝仁親王,幼名五宮,響1687年5月6號至到1709年7月27號在位。

佢係靈元天皇第五個仔(前面四個都係家姐),阿媽係典侍松木宗子

經歷[編輯]

響1687年,靈元天皇傳位畀當時只有八歲嘅皇太子朝仁親王,謐號東山天皇,而靈元天皇就做太上皇,改叫上皇識仁,實施院政。但係因為上皇識仁太過強硬,導致咗江戶幕府加強干涉皇室內政,所以上皇識仁只好讓個實權畀東山天皇。

東山天皇同老豆靈元天皇嘅性格好唔同,靈元天皇好強硬,但係東山天皇就好溫和。所以東山天皇任內同江戶幕府嘅關係好好,江戶幕府都經常送錢畀東山天皇,令到佢有好充足嘅錢去修復皇室陵墓。但就因為佢太溫和,所以響朝廷以外發生咗例如幕府第五代將軍德川綱吉私自發佈生類憐憫令、同埋元祿赤穗事件等等,可以睇得出當時嘅人根本就係當東山天皇冇到(但係佢又冇出聲)。

響1709年,東山天皇讓位畀皇太子慶仁親王(即係中御門天皇),而佢就做上皇,所以又叫上皇朝仁。響1710年(即係寶永六年)因為感染天花而死咗,終年三十四歲。

佢死咗之後,由於當時中御門天皇只有七歲,所以佢老豆靈元天皇被逼要「重出江湖」做上皇,叫上皇識仁

用過嘅年號[編輯]

屋企[編輯]

老婆:幸子女王