中御門天皇

出自維基百科,自由嘅百科全書
Jump to navigation Jump to search
中御門天皇

中御門天皇日文:中御門天皇なかみかどてんのう Nakamikado Tennō1702年1月14號1737年5月10號)係日本第一百一十四位天皇,原名慶仁,又叫皇太子慶仁親王,幼名長宮,響1709年7月27號至到1735年4月13號在位。

佢係東山天皇第五個仔,阿媽係典侍櫛笥賀子

經歷[編輯]

響1709年,老豆東山天皇讓位畀佢,而自己就做上皇,實施院政。但係同年東山天皇(嗰時叫佢上皇朝仁)死咗,所以上皇一職就由爺爺靈元天皇(嗰時叫佢上皇識仁)繼續院政。響十三歲嘅時候,上皇識仁出家,實權就畀返佢。

中御門天皇響任內恢復咗好多朝廷儀式,重出咗一本書叫做《公事部類》。佢同佢老豆一樣,任內同江戶幕府關係好好,有次重諗住將爺爺嘅囡囡吉子內親王嫁畀當時幕府將軍德川家繼。點知響爾個時候,家繼突然死咗,所以爾門婚事就咁算數。

響1735年,中御門天皇讓位畀大仔皇太子昭仁親王,昭仁嘅謐號叫櫻町天皇。兩年之後,中御門天皇死咗,終年三十五歲。

用過嘅年號[編輯]