世界大觀

世界大觀（粵拼：sai3 gaai3 daai6 gun1）係中國廣東廣州嘅一間冇咗嘅遊樂場，位置喺而家天河區黃村嘅奧體東北邊隔籬，1995年10月18號開業，2009年6月12號執笠。

史

公園喺1995年10月18號正式開業。開業第二年，每月平均客流量都幾火爆下，一度超過每月十萬人嘅客流量，當年重攞埋廣州旅遊業嘅「月亮工程」同「羊城十大靚景」嘅稱呼。但好景唔長，開業第二年因為發生債權糾紛，從而生意一落千丈，結果園方乾脆取消嗮所有表演而維持生計。雖然2003～2004年期間兩次發包畀想入景區經營嘅管理公司去維持生計，但收效唔明顯，甚至喺2005年搞出2次場地拍賣失敗，2006～2009年期間發生過因債務問題而導致惡性治安同打砸事件呢啲情況。2007年5月1號，當地景區人流量得好少，月平均先得唔夠1000人，最差生意時先至得唔夠50人入園玩，即使門票降價到街市白菜價都係噉。

執笠

2009年6月12號，園方突然發佈聲明話從即日起暫停營業，重喺公園門口放咗塊牌話公園喺度施工而停業。而記者想入去公園搵波士去採訪，結果俾園方保安出蠱惑。後嚟通過有關消息人士解釋，公園係因為主題創新唔夠兼差咗太多債務而執笠。

現狀

世界大觀執咗之後，公園變成一堆雜草叢生嘅爛地，加上公園入面冇人，得返保安睺住門口。而接遊客啲火車仔去嗮第度，入面嘅六大劇場景區同餐廳冚唪唥變成垃圾堆同幾十年冇人搞過嘅廢墟噉。而遊客唔可以入去呢個地方玩（除咗婚紗攝影隊之外），因為一入嚫去，保安仔會即刻𢴒你走。