中國報

出自維基百科,自由嘅百科全書
跳去導覽 跳去搵嘢
中國報
China Press
Logo of China Press Malaysia1.png
Logo of China Press Malaysia2.png
類型日報晚報
擁有人世界華文媒體
The China Press Berhad
創辧日期1946年2月1號, 76年之前 (1946-02-01)
政治立場親華派
語言簡體中文繁體中文
總部馬來西亞 馬來西亞吉隆坡
網站www.chinapress.com.my

中國報Chinapress Sdn. Bhd.)係馬來西亞華文報章,總部喺吉隆坡孟沙。公司喺1946年2月1號成立,由李孝式(後來成為馬來亞第一任財政部長)為首嘅籌組委員會發起創刊。呢份報標榜自己嘅口號係「馬來西亞最具影響力中文媒體」。

《中國報》社論主要針對喺馬來西亞發生嘅事件同國家情況,社論總體上無論係對執政黨同反對黨都持有批評態度。喺國際評論入面,《中國報》立場偏向中國,喺希山慕丁中國外交部王毅做大哥引起國內廣泛批評時,中國報發表咗幾篇維護希山慕丁同譏諷反對者嘅社論[1][2]

喺1969年5月13號,中國報喺五一三事件發生之後發佈法院新聞之後被停辦一個月。

中國報之後喺1986年重新發行,截至1988年,佢哋每日發行量由20,000增至100,000,令佢成為馬來西亞增長最快嘅報紙。由於中國報喺馬來西亞好受歡迎,佢哋喺1990年5月19號開始發行晚報版本,以「今日新聞今晚知」為使命宣言。

今日,中國報嘅每日發行量大約154,000,令到佢成為馬來西亞第二大暢銷華文日報。佢嘅晚報係馬來西亞最受歡迎,發行量大約係48,000[3]

歷任總編輯[編輯]

  • 陳宗嶽(1946年─1947年)
  • 宋韻錚(1948年─1969年)
  • 李雁賓(1969年7月─1971年)
  • 黃兆壎(1971年─1984年)
  • 黃和平(1985年-中國報停刊)
  • 林通光(1986年-1993年)
  • 潘友來(1993年-1997年、1998年-2001年)
  • 彭早慧(1997年-2002年)
  • 莊宗南(2002年-2006年1月)
  • 張映坤(2006年-)

爭議[編輯]

錯誤報導全國總警長辭職[編輯]

2010年3月12號,《中國報》聲稱獲得獨家消息,喺頭版刊登「警總長呈辭,警隊二哥料升正」標題,指時任總警長慕沙哈山辭職,首相納吉阿都拉薩同內政部長希山慕丁·胡先已經接受慕沙哈山嘅辭職報導。慕沙哈山對呢個駁斥話報導不實,聲明要追究係邊個故意發佈佢辭職嘅消息。負責警察部隊同印刷媒體嘅內政部長希山慕丁隨後證實慕沙哈山嘅服務將會喺9月結束,抨擊呢個報道為謊言,《中國報》亦畀馬來西亞內政部發出警告信函,要求對報導作出解釋[4][5]。3月19號,《中國報》喺早報封面刊登道歉啟事,向相關單位同有關人士公開道歉,又宣佈已經採取咗內部紀律行動,總編輯張映坤對呢件事負上全責,停職兩星期[6]

新聞鏈接錯誤事件[編輯]

2020年3月9號,《中國報》喺刊登一則端洛州議員楊祖強等三人宣佈退黨嘅新聞入面,喺佢哋Facebook專頁張貼一則新聞鏈接,但係新聞標題卻係指霹靂州3位原任行政議員李存孝、黃渼沄同陳家興係叛徒們,令到好多讀者誤會以為呢3個人退黨。隔日,李存孝、黃渼沄同陳家興指責呢份新聞刊登後,唔少民眾誤以為佢哋就係變節嘅州議員,進而斥罵佢哋,嚴重影響佢哋嘅聲譽,促請《中國報》全面撤回相關報道同刊登澄清啟事[7]。《當今大馬》之後檢查《中國報》霹靂版嘅Facebook專頁發現已經揾唔到有關貼文,但係揾到另一則標題改為「李存孝、黃渼沄、陳家興:我們也很心痛」嘅新聞鏈接[8]

冇完整報導副警察總長言論[編輯]

2021年4月26號,《中國報》因刊登一則題叫《女學生被辱罵恐嚇強奸 阿克里沙尼:同學或開玩笑》嘅報導後,畀馬來西亞內政部傳召,要求解釋新聞報導。副警察總長阿克里沙尼隔日指控《中國報》所刊登新聞標題含糊,無完整報導當時嘅言論。武吉阿曼公關部斯甘達古魯警監亦發出文章警告,指《中國報》網站對阿克里沙尼談話報導不實[9]。隨後,中國報新聞網站撤下相關報導。

參考[編輯]

  1. "王維雁:叫一聲"大哥"又不是賣國". 中國報 China Press (英文). 喺2021-04-06搵到.
  2. "甄子曰專欄:大哥不是這樣當". 中國報 China Press (英文). 喺2021-04-06搵到.
  3. 馬來西亞只有華文報紙先會喺夜晚出版
  4. "總警長:我將揪出放消息者‧總警長否認辭職". 光明日報 (中文). 原著喺2021-04-28歸檔. 喺2021-02-09搵到. Unknown parameter |dead-url= ignored (help)
  5. "慕沙哈山否認辭總警長傳聞內政部長恫言對付《中國報》". Malaysiakini (中文). 2010-03-13. 原著喺2021-04-28歸檔. 喺2021-02-09搵到. Unknown parameter |dead-url= ignored (help)
  6. "《中國報》刊登道歉啟事總編輯負起全責停職兩周". Malaysiakini (中文). 2010-03-19. 原著喺2021-04-28歸檔. 喺2021-02-09搵到. Unknown parameter |dead-url= ignored (help)
  7. "希盟3霹州議員促《中國報》 澄清存誤導性新聞標題". 東方網 馬來西亞東方日報 (中文). 喺2021-02-15搵到.
  8. "中國報誤導讀者,黃渼沄李存孝陳家興"被叛徒"". Malaysiakini (中文). 2020-03-10. 喺2021-02-15搵到.
  9. "指錯誤報導副警總長談話 內政部傳召《中國報》《當今大馬》". 中國報 China Press (英文). 原著喺2021-04-28歸檔. 喺2021-04-28搵到. Unknown parameter |dead-url= ignored (help)

出面網頁[編輯]