中華人民共和國國家通用語言文字法
《中華人民共和國國家通用語言文字法》（粵拼：zung1 waa4 jan4 man4 gung6 wo4 gwok3 gwok3 gaa1 tung1 jung6 jyu5 jin4 man4 zi6 faat3，英文：Law of the People's Republic of China on the Standard Spoken and Written Chinese Language）係中華人民共和國入面嘅第一部關於語言文字嘅專門法律。呢部法律係為咗推動中華人民共和國國內嘅通用語言文字嘅規範化、標準化同埋其健康發展，可以令到中國國家入面用嘅通用語言文字喺社會生活入面有比較好嘅發揮作用。而呢部法律係中華人民共和國入面，第一部關於語言文字嘅專門法律。呢部法律喺2000年10月31號嘅第九屆全國人民代表大會常務委員會第十八次會議通過咗，喺2001年1月1號開始施行。而呢部法律就確立咗普通話同埋規範漢字係「國家通用語言文字」嘅法定地位。
第十三條嘅規定[編輯]
喺呢條法律嘅第十三條第一款有講到「公共服務行業係以規範漢字係叫基本嘅服務用字。而使用外國文字重同時用埋外國文字嘅話就要用規範漢字。」呢個講法。重有第二款規定話到「提倡公共服務行業以普通話係服務用語。」。其中上面呢兩個嘅「公共服務行業」指嘅係商業、郵電、文化、鐵路、交通、民航、旅遊、銀行、保險、醫院等呢啲行業。
評價[編輯]
正面[編輯]
呢部法律嘅正面係可以將中國大陸入面，唔符合合規範嘅網路語言將唔可以出現喺政府嘅紅頭文件同埋教科書入面；而且公務員嘅普通話水準最揸屎要達到三甲[1]。重有嘅係中央唔想睇到啲錯別字同埋二簡字亂咁用嘅問題[2]。
負面[編輯]
不過自從呢部法律出咗嚟之後，雖然話呢部法律上係禁止咗二簡字嘅唔正當應用。但由於受到民眾嘅習慣影響，搞到部份媒體喺語言文字嘅規範使用入面成日出現咗使用唔規範嘅漢字[3]。到2014年為止，有四川嘅委員話將國家通用語言文字法入面，將「普通話」改成啀「國家標準語」嘅議案提交到中央嘅講法[4]。重有嘅係第十三條第二款呢個正文，搞到21世紀喺中國大陸（尤其係華南地區）出現咗搞保衛語言嘅嘢（例如廣州市民捍衞廣府話行動）[5][6]。因為有啲撈鬆喺嚟廣東之前本身唔了解廣東嘅文化，先至搞出咗要全國玩同化嘅問題[7]。重有臺灣網民整過《簡體字之歌》來鬧家陣嘅簡體字[8]。
睇埋[編輯]
註[編輯]
- ↑ 河南将实施国家通用语言文字法 "屌丝"绝迹教科书 互聯網檔案館嘅歸檔，歸檔日期2016年3月5號，. 中國社會科學網
- ↑ 综合性学习：社会用字规范化 互聯網檔案館嘅歸檔，歸檔日期2014年9月29號，. 國學百科
- ↑ 鎮江教育 是「桔子」还是「橘子」？
- ↑ 四川代表团19件议案提交全国人大 涉及劳动、教育等多个领域 四川省人民政府
- ↑ 德国汉语专家谈广州的撑粤语抗议活动[失咗效嘅鏈]
- ↑ 两岸三地- “撑粤语”：广州亚运的不和谐声音 BBC中文网
- ↑ 《中文解毒》把普通话、简体字的弊端表露无遗[失咗效嘅鏈] 大洋社區
- ↑ 〈关于繁体字：网上盛传的《讽刺简体字歌谣》〉. 原著喺2012年4月21號歸檔. 喺2014年3月29號搵到.
出面網頁[編輯]
- 中華人民共和國國家通用語言文字法 中華人民共和國中央人民政府
- 中華人民共和國國家通用語言文字法 中國語言文字網