乙武洋匡

出自維基百科,自由嘅百科全書
Jump to navigation Jump to search
乙武洋匡
出世 乙武 洋匡
(1976-04-06) 1976年4月6號(43歲)
Flag of Japan.svg 日本東京都新宿區
名作 五體不滿足

乙武洋匡粵拼jyut6 mou5 joeng4 hong1日文乙武 洋匡おとたけ ひろただ(Ototake Hirotada)1973年4月6號—)係日本嘅傷殘人士兼作家,東京都新宿區人,做過日本環衛組織——綠鳥(日文グリーンバード(Gurīnbādo))嘅新宿代表,亦做過元東京都教育委員同元教職員兩職位,亦出版過自傳——《五體不滿足》。

生平[編輯]

乙武洋匡喺1976年4月6號喺日本東京出世,佢天生屬海豚人,出行時全程靠電動輪椅,寫字都係靠嘴咬住支筆嚟寫。細個嗰時讀過世田谷區立用賀小學校日文世田谷区立用賀小学校東京都立戶山高等學校日文東京都立戸山高等学校,中學畢業後開始喺早稻田大學嘅政治經濟學畢業後而到明星大學日文明星大学揀通信教育課程人文學部讀學士課程。

佢喺讀緊早稻田大學嗰時參加過社區活動,由於嗰個活動係由NHK主辦,所以電視台發現咗呢個海豚人參加呢個組織時好快引起關注。期間佢出咗本《五體不滿足》嘅書,寫到「雖然有行動不便,但冇唔好彩嘅嘢。」而令銷售量火爆。喺2000年2月攞咗東京都民文化榮譽章[1]。大學畢業之後亦參加過騎行嘅體育運動,2005年開始喺新宿區參加兼職,同年亦免試攞咗喺小學教書嘅資格,亦入咗明星大學讀人文系。2007年2月亦同樣免試攞咗喺小學教書嘅資格。2010年成立樂團搞開唱義賣活動,2013年3月8號做過東京都教育委員直到2015年12月31號卸任[2]

2016年3月31號,日本嘅《週刊新潮》雜誌揭發乙武懷疑喺2015年底同5位女仔產生婚外情[3]。嗰時嘅自民黨喺東京搞緊選舉投票環節,但因為爆出單醜聞後而馬上向媒體道歉並介入調查,震驚成個日本政壇[4]。最後喺同年9月14號同佢老婆宣佈離婚。

[編輯]