九七機場和你塞行動

九七機場和你塞行動期間，防暴警察喺東涌站外聚集戒備

九七機場和你塞行動，又叫「和你飛3.0」，係2019年9月7號反逃犯條例修訂運動中喺北大嶼山東涌、欣澳、大陰頂（青嶼幹線收費廣場）同赤鱲角香港國際機場進行嘅一次示威。示威者繼對上嗰個禮拜日嘅「和你塞」後，再次冇理到禁制令發起多一次「和你塞」。由於參與人數比上一次少咗，加埋當局汲取咗上一次經驗加強防範，對機場交通影響比上一次少咗好多。不過，嗰日喺太子站、沙田站、大埔站、將軍澳站都爆發過零星衝突，入閘機被破壞。