乾元殿

乾元殿係大唐首都洛陽紫微城嘅正殿，係顯慶元年（656年）唐高宗喺隋乾陽殿嘅基礎上面起咗一座乾元殿。垂拱四年（688年）武則天將佢改建成明堂，唐玄宗開元年間又再改建成含元殿。乾元殿東西長345尺（101.43米），南北長176尺（51.744米）；高120尺（35.28米）。

唐玄宗用乾元殿做內府嘅圖書館，開元七年（721年）佢要求「公卿士庶之家所有異書官借繕寫」都放喺東都乾元殿收藏。根據《古書今錄》記載，呢間圖書館嘅藏書有3,060部，總共51,828卷。另有佛經、道經大約2,500部，總共大約9,500卷。不過呢啲書喺安史之亂時幾乎全部都無咗。