五大訴求缺一不可示威

五大訴求缺一不可示威

五大訴求缺一不可示威，係2019年9月15號由香港民間人士發起嘅一次反逃犯條例修訂嘅示威，主題係「五大訴求，缺一不可」。呢次示威本嚟係民陣主辦嘅五大訴求缺一不可遊行，由銅鑼灣東角道行到中環遮打道行人專用區，但警方發咗「反對通知書」，民陣宣佈取消遊行。但係有數以萬計嘅民眾嗰日自發遊行，人群主要喺銅鑼灣怡和街同中環畢打街之間嘅馬路，無特定起點同終點。有啲激進示威者同警方喺金鐘發生衝突，警方出動嘅水炮車一度因為中咗示威者汽油彈而起火，入夜後衝突向東轉移到灣仔、銅鑼灣、炮台山同北角等等地方。