五羊石像
| 五羊石像 | |
|---|---|
| 廣州市文物保護單位 | |
 | |
| 喺邊 | 廣州市越秀區 |
| 類 | 近現代重要史跡及代表性建築 |
| 時代 | 1959年 |
| 冧 | 5-26 |
| 登錄 | 1999年 |
| 地圖 | |
 | |
五羊石像（粵拼：ng5 joeng4 sek6 zoeng6）係中國廣東省廣州市入面，按返五羊傳說嚟整嘅石像。呢嚿石像喺越秀區嘅越秀山西邊嘅木壳崗嗰度。呢嚿石像喺成個廣州嚟講，唔嚟佢喺影響同意義入面，都係話成廣州市嘅第一標誌。
敘述[編輯]
- 高度：11m
- 體積：53m³
- 用咗130嚿花崗岩整出嚟
- 入面有四隻唔同樣嘅羊咩啄住1隻攞咗條大禾苗嘅山羊罅。
所謂「五羊傳說」[編輯]
睇埋：五羊傳說
相傳喺周夷王八年（公元前887年）嗰陣廣州人成日猛咁喺度做嘢就冇得食，點知有一日，喺天上面出現咗着住五彩衫嘅五位仙人，騎住五隻羊咩嚟咗廣州，睇到嗰時點解成日猛咁喺度做嘢就冇得食，就掟咗穀穗畀佢，結果一下就變咗好多農田出嚟。啲人就有得食喇。不過嗰時神仙掟完穀穗之後就飛咗上天，就留返五隻羊咩響地下。而最後五隻羊咩就變咗石頭。所以廣州講嘅「五羊」就喺噉嚟。
史[編輯]
喺1959年，三位雕塑家尹積昌，陳本宗以及孔繁緯，喺呢度按返五羊傳說，創作五羊石像。喺石像起好咗之後就俾人話成係廣州嘅城標而變咗出名嘅旅遊景區。但係佢唔係一直都好穩陣。喺文革嗰陣嘅破四舊時期，石像上面有對羊角仔俾人抌爛嗮，而條羊咩仔嘅短尾都揼到斷埋，搞都嗰時有人傳出嚟話石像就快被人炸冧。結果石像好彩就無被人炸冧。過咗文革之後，石像就開始重新整過。喺1999年7月，市政府公佈咗佢係廣州市文物保護單位。雖然佢喺2001年8月13號俾雷電劈走隻角，但後嚟整返好。2007年，同五羊石像有關嘅五羊傳說入選咗廣州市第一批非物質文化遺產代表作名錄。
2010年亞運會嘅會徽[編輯]
内文：2010年亞洲運動會
喺2006年底，廣州市體育管理部門公佈咗2010年亞運會嘅會徽，其中會徽就用咗佢嘅樣嚟做亞運會嘅會徽。
攷[編輯]
- 五羊石像 越秀公园 喺2014-05-09搵到