五花茶

五花茶係一種中國民間傳統嘢飲，廣東人常飲嘅涼茶之一，味甘性微寒，主要功效係清熱、解毒、消暑去濕、減低腸胃刺熱、利尿、涼血、預防夏季風熱感冒同流行性感冒嘅功效，尤其適合夏天嗰時飲，其他功效就視乎所用嘅藥材而定。

通常成份

喺中國傳統藥典中都無固定配方，大部份涼茶舖或五花茶湯包都會用金銀花、菊花、槐花、木棉花同雞蛋花呢五種花，但亦有個別方劑根據飲用者嘅體質而做少少修改，有時會換成款冬花、玫瑰花或辛夷花。