五餅二魚
五餅二魚（英文：Miracle of the five loaves and two fish）係聖經四本福音書都有記載耶穌行嘅神蹟，只係用五塊大麥餅同兩條魚，就餵飽一大班人，男人有五千人，未計女人同細路。
事跡
[編輯]有日耶穌喺笪空地同一大班人講道，淨係計男人都有五千人，到挨晚大家都肚餓，但現場無嘢食，呢個時候有個細路仔將佢自己帶住嘅五塊大麥餅同兩條魚奉獻畀耶穌，耶穌就叫大家分組坐低，攞起餅同魚向天祝謝，就逐組分畀大家食，每個人都分到嘢食同食得飽，食完後門徒幫手收集食淨嘅，都裝得滿十二個籃。
另外《馬太福音》同《馬可福音》記載耶穌之後重有另一次同類神跡，用七塊餅同幾條魚餵飽另一班人，未計女人同細路，男人都有四千人，不過《路加福音》同《約翰福音》都無記載。
流行文化
[編輯]香港嘉頓出咗一隻「家庭什餅」嘅罐裝餅乾，有啲人鍾意攞去送禮，由於分量好多，食極都食唔曬，網上有人就惡搞「五餅二魚」嘅餅其實就係「家庭什餅」。