亞公角山路

亞公角山路夾喺白普理寧養中心、沙田慈氏護養院中間

幸福營、城門之源、鄰舍輔導會怡欣山莊，前到後排。

亞公角山路，香港一路，山路一條，喺沙田亞公角，英文A Kung Kok Shan Road。佢由山下亞公角街上山，近沙田醫院。

沿路都係公共設施，由下向上計，有賽馬會善寧之家、白普理寧養中心、沙田慈氏護養院、突破青年村、城門之源同幸福營，以及路尾鄰舍輔導會怡欣山莊。

日後搬沙田污水處理廠，地方亦會喺呢條路尾再入，起喺地底。

史

一九七九年左近，沙田填海，填緊沙田海，經已填到近亞公角舊村，今日沙田醫院個位。而開咗條山路上山，當時泥路來，日後成為亞公角山路。一九八二年，經已填過咗亞公角呢個海角，而山路地方，亦開展工程，準備大興土木。一九八四年左近，有亞公角配水庫。一九九〇年左右，開咗沙田慈氏護養院。一九九二年左右，開咗白普理寧養中心。一九九六年，突破機構開咗突破青年村。一九九七年，聖士提芬會得政府地，日後成為城門之源同幸福營。二〇〇九年，鄰舍輔導會開咗怡欣山莊。