亞森松島

出自維基百科,自由嘅百科全書
跳去: 定向搵嘢
亞森松島旗
亞森松島
亞森松島 - 佐治敦

亞森松島Ascension Island)係英國喺南大西洋嘅海外領土,行政上歸聖海倫娜管。首府佐治敦

地理[編輯]

阿森松島喺大西洋中間,地理構造上屬於中大西洋海嶺,係火山島,主島面積有 88 平方公里,近岸處有面積唔夠一平方公里嘅島仔同礁石:水手長鳥島、東水手長島、韃靼礁咁。地理構造上島礁係阿森松島嘅組成部分。阿森松主島和附屬島嶼總面積係 91 平方公里。

阿森松島有個嘅格林山(綠山),屬於休眠活火山,上次爆係1843年。島上主要為熔岩地貌,地形崎嶇。

氣候[編輯]

阿森松島屬於亞熱帶海洋性氣候,全年雨量分佈平均,一月同四月比較集中。島上成年氣溫徘迴喺攝氏 20°C 到 31°C 之間。

動植物[編輯]

島上原有嘅膠樹(Commidendrum robustum)、聖海倫娜烏木、聖海倫娜紅杉同聖海倫娜橄欖,由於長期破壞,原始植被冇幾多剩。格林山頂有竹林,重有松樹、榕樹、向日葵、蘭花參、仙人掌、苔蘚、地衣同蕨類植物。而島上有成兩佰種外來植物[1]

主要野生動物有綠海龜、蜥蜴、螃蟹、燕鷗、海燕、軍艦鳥。陸生鳥類有金絲雀、鷓鴣、八哥、麻雀、臘嘴雀。島上哺乳動物有驢、山羊、老鼠,以及寵物狗貓。阿森松島附近海域有鯊魚吞拿魚

經濟[編輯]

阿森松島收入來源係政府財政撥款。最主要經濟活動係軍事基地帶嚟嘅服務業。

軍事基地以外,通訊基地亦係收入來源。BBC 同大東電報局(Cable and Wireless)喺島上設有通訊中繼站。

阿森松島出口商品係郵票。由1922年開始,每年都有出郵票,目前每年出五至六套郵票。

旅遊[編輯]

由於交通唔方便,阿森松島之前係冇旅遊業,因素有島上缺乏旅遊設施,以及英國行政當局有限制。2000年後,英國皇家空軍同佐治敦嘅黑曜石旅館搞咗細規模嘅航空旅遊服務,起咗嘅細型客舍。不過,遊客去阿森松島之前仍然需要獲得行政專員嘅書面批准。海上垂釣同觀鳥。

官方貨幣係聖海倫娜鎊,美金同英鎊都用得。聖海倫娜銀行有間分行喺度。

[編輯]