亞洲四小虎係指泰國、馬來西亞、印尼同菲律賓四國。呢四個國家嘅經濟響1990年代都好似1980年代嘅亞洲四小龍一樣突飛猛進，所以得到呢個名。可惜嘅係，隨住1997年亞洲金融風暴嘅打擊，呢四小虎未能好似四小龍咁樣打穩經濟基礎，重爭國際貨幣基金會一身債。響印尼，亞洲金融風暴嘅打擊亦都間接引發咗當地嘅黑色五月暴動。
