亞洲四小龍

亞洲四小龍，英文叫亞洲四虎（Four Asian Tigers）^[1]，係南韓、新加坡、香港同埋台灣嘅總稱，相關嘅經濟發展過程同經驗係發展經濟學研究嘅典型例子。

呢啲國家或者地區喺20世紀60-70年代經濟飛速成長，但係之前佢哋只係以農業同輕工業為主嘅發展中國家或地區。佢哋利用西方發達國家向發展中國家轉移勞動密集型產業嘅機會，吸引外地資本同技術，利用本地嘅勞動力優勢適時調整經濟發展戰略，好快咁走上工業化嘅道路，成為東亞同埋東南亞地區嘅經濟火車頭之一，按人均GDP成爲亞洲僅次於日本嘅經濟體，其中香港更加喺2005年成功超越日本，喺人均GDP排行第5。

之後亞洲四小龍嘅發展歷程被好多亞洲國家例如亞洲四小虎等借鑑，呢啲國家喺大約10年之後經濟得到大幅度嘅發展。但呢種發展模式有好多弊端，太過依賴國際資本成為經濟面嘅隱患，被認爲係亞洲金融危機造成巨大損失嘅主要原因之一。