亞蘭島
呢篇文講屬於蘇格蘭嘅亞蘭島。想搵愛爾蘭嗰幾個名稱相似嘅島嘅話，請睇亞蘭群島。
亞蘭島（蘇格蘭蓋爾文：Eilean Arainn；英文：Isle of Arran）係蘇格蘭嘅第七大島，嘉禮灣（Firth of Clyde）嘅第一大島，面積432平方公里，2001年普查顯示有大概5000人長住。亞蘭島嘅文化同夏伯歷群島嘅文化好相似，但係就被堅治亞半島隔開咗。
亞蘭島從新石器時代開始就有人長住，所以島上面重有好多新石器時代留低嘅遺跡。從公元6世紀開始，來自愛爾蘭嘅蓋爾人開始佔領亞蘭島，將個島變成咗一個宗教活動中心。喺維京人時代，亞蘭島曾經被挪威維京人搶走，但係到13世紀就被蘇格蘭王國搶返。19世紀英國當局推行嘅高地人大遷徙，令到亞蘭島嘅人口急跌，亦都導致咗蓋爾人傳統生活方式嘅沒落。
名嘅來源
[編輯]蘇格蘭好多島仔自鐵器時代以來被至少會講四種語言嘅人所佔領，所以呢啲島仔嘅名可能嘅含義會有好多。因此，唔係一個特殊島嶼嘅亞蘭島，佢個名嘅來歷目前重未清楚。馬克·安·泰尼爾（Mac an Tàilleir）喺2003年話「亞蘭（Arran）呢個詞語同愛爾蘭並無關連」（佢嘅意思係話「腎嘅形狀」，同愛爾蘭文中 ára「腎」作比較）。
.svg){kind=small}