《仙履奇緣》（英文：Cinderella）係一套由和路迪士尼喺1950年製作同發行嘅動畫戲電影，喺美國喺1950年2月15號上畫。佢係迪士尼第12套經典動畫長片。故仔改編自法國童話《仙履奇缘》。
個故仔大致上係噉嘅：好耐好耐以前有個後生女，佢叫灰姑娘，佢嘅後抵乸同兩個繼姐成日都糟質佢，當正佢係工人噉使；有一日，王國想搞舞會畀王子揀老婆；本來灰姑娘係冇得去舞會嘅，不過佢得到仙子教母嘅幫助，然後著住仙子教母畀佢嘅靚衫去舞會，而且王子仲喺舞會上鍾意咗佢；灰姑娘冇向王子透露佢嘅真正身份，但佢離開舞會途中漏低咗隻鞋；及後王子靠住隻鞋搵返佢，仲娶埋佢做老婆，最後大團圓結局。
