以華制華

以華制華係指以華人（中國人）制服華人嘅統治策略，主要用於其他民族統治中國、或海外華人受「非華人統治者」（政府、殖民者或者外族）壓制嘅情形。由於統治者對華人民眾唔熟悉，容易遭到華人反抗，故此培植一啲華人來管理另一批華人，授予當地部分華人行政權力，去監管所有華人守法或放棄抵抗。

呢策略促進地方行政本地化，帶有「親疏有別」、問責制等色彩，方便監控一般華人民眾，而且華人只係幫助統治，實際大權唔喺華人手上。當統治者政權結束之後，幫嗰啲統治者做過嘢嘅華人，有可能被睇成漢奸而定罪。