伍婉婷
 | 呢篇文 需要補充更多來源。 |
| 伍婉婷 | |
|---|---|
| 出生日 | 1975年  |
| 國籍 | 香港 |
| 職業 | 政治人 |
[改維基數據] | |
伍婉婷，MH（Yolanda Ng，1975年—），係香港灣仔區議會銅鑼灣選區議員（2008年至2019年），報稱無黨派，立場係親中派，祖籍廣東汕尾。
經歷
[編輯]2007年第3屆香港區議會選舉，當時仍然係新世紀論壇成員嘅伍婉婷以獨立人士身份，挑戰退出咗民主黨嘅謝永齡，以834票當選。伍婉婷當選後積極參與香港島各界聯合會活動。2011年第4屆香港區議會選舉，伍婉婷以超過四分三票贏咗民主黨方奕霖同埋人民力量鄺國柱。
佢2014年左右喺饒宗頤文化館做過嘢，亦都為保普選反佔中大聯盟收集過簽名[1]。
2015年第5屆香港區議會選舉，因為冇人同佢爭而自動當選[1]。
2017年2月14號，伍婉婷喺灣仔區議會會議傾到銅鑼灣崇光百貨外巴士站的士違例等客嘅問題嗰陣，話巴士營運商都有責任叫司機埋正個站先上落客。咁啱2月19號，喺中環有巴士因為埋唔正個站，畀差人執正嚟做抄牌，激起一大班巴士司機不滿，發起按章埋站行動，矛頭直指伍婉婷。伍婉婷事後話抱歉，又話佢都支持對違法泊車加強執法。
2019年第6屆香港區議會選舉，伍婉婷繼續喺銅鑼灣選區爭取冧莊，但因為親中派漠視民意，強行支持逃犯條例修訂而選情大受影響，輸畀泛民主派嘅邱汶珊，連任失敗。
部分公職
[編輯]參考
[編輯]- ↑ 1.0 1.1 〈【壹錘一分鐘辨真假獨立】灣仔獨立傑青曾為紅底理事〉 (繁體中文)。蘋果日報。2015-10-20。原先內容歸檔喺2019-04-22。喺2020-06-02搵到。
- ↑ 〈香港島各界聯合會第七屆理事會架構 2011 - 2014年〉。
{{cite web}}: CS1 maint: url-status (link)
 |