伶盜龍屬

出自維基百科,自由嘅百科全書
跳去導覽 跳去搵嘢
蒙古伶盜龍嘅骨架模型,位於比利時自然科學博物館英文Museum of Natural Sciences
根據已知材料繪製嘅蒙古伶盜龍重建圖,翅膀重建自化石上嘅羽莖瘤

伶盜龍屬(屬名:Velociraptor,拉丁文意思係「敏捷嘅賊仔」),通常俾人錯誤翻譯做速龍又或者係迅猛龍,係蜥臀目獸腳亞目馳龍科恐龍嘅一,大約生活喺7,500萬至7,100萬年前嘅白堊紀中晚期,係最廣受一般人熟悉嘅恐龍之一。

由於伶盜龍喺電影《侏羅紀公園》(Jurassic Park)入面有搶眼嘅表現,而喺續集《侏羅紀世界》入面更加有著重描寫佢哋嘅高智能,搞到好多人甚至將戲入面錯誤翻譯嘅「速龍」又或者係「迅猛龍」一詞嚟代指原本嘅伶盜龍。不過,侏羅紀系列電影入面經過基因修改嘅伶盜龍同現實其實有好大差別。

伶盜龍嘅形象亦有出現喺其他領域嗰度。例如,NBA球隊多倫多速龍(英文:Toronto Raptors,又一個錯誤翻譯例子)就係以伶盜龍命名。

蒙古伶盜龍用佢鐮刀形嘅趾爪捉住偷蛋龍