侏羅紀世界

《侏羅紀世界》（英文：Jurassic World）係一套2015年上畫嘅美國電影，《侏羅紀公園系列》電影嘅第4套，由哥連卓法羅執導，基斯柏特、拜絲黛麗侯活主演。

發佈商環球影業本來計劃喺2004年製作《侏羅紀公園系列》嘅第四部作品，並喺第二年嘅暑假上映，但一系列嘅阻滯導致遲咗十年。

2021年6月6號，香港無綫電視再次上映呢部戲，而且安排大部份參加過綜藝電視節目《好聲好戲》嘅幕前藝人同配音員幫呢部戲重新配音，成為咗無綫電視首次以幕前藝人參與配音工作為主嘅電影。

角色名單

演員	角色	粵語配音（TVB版本）	備註
基斯柏特	奧雲·革迪 Owen Grady	黃啟昌	退伍海軍中尉，熟悉動物行為學，做樂園嘅恐龍專家，養咗四隻聽佢語嘅迅猛龍。
拜絲·黛麗·侯活	嘉怡·戴寧 Claire Dearing	陳自瑤	樂園營運主管，成日將工作擺喺第一位，緊張營業額嘅程度遠遠超過身邊人。
文森·唐諾費	維克·賀健士 Vic Hoskins	葉振聲	國際基因公司嘅保全主管，同歐文都係前軍人，主張用迅猛龍做軍事武器。
泰·辛普金斯	桂·米曹爾 Gray Mitchell	陳安瑩	克萊兒嘅外甥，對樂園冒險充滿好奇，而且熟晒大部分嘅恐龍知識。
尼克·羅賓森	柴克·米曹爾 Zach Mitchell	曹啟謙	克萊兒嘅外甥，格雷嘅哥哥，熱衷玩手提嘅叛逆少年。
奧馬司	巴瑞·塞姆班 Barry Sembene	楊潮凱	樂園馴獸師，係負責幫歐文照顧迅猛龍嘅左右手。
黃榮亮	吳亨利 Dr. Henry Wu	翟耀輝	遺傳學家，樂園科研隊嘅主力，亦都曾經喺舊園區做過嘢。
伊凡·卡漢	西門·馬斯蘭尼 Simon Masrani	陳欣	馬斯蘭尼國際企業嘅總裁，世界排名第八嘅富豪，侏羅紀世界嘅大股東。
積克·莊遜	羅瑞·庫瑟 Lowery Cruthers	張振朗	樂園控制中心嘅員工之一，性格幽默自在，係舊公園嘅頭號粉絲。
蘿倫·拉布庫斯	薇薇安·克里歐 Vivian Krill	馮盈盈	樂園控制中心嘅員工之一，同羅瑞係一起工作嘅拍檔。
布萊恩·李	濱田 Hamada	翟耀輝	經驗豐富嘅保安人員，樂園資產管制組（ACU）嘅隊長。
凱蒂·麥克格拉思	莎拉·楊 Zara Young	黃翠如	克萊兒嘅私人助理，負責幫佢照顧格雷同柴克。
安迪·柏克利	史考特·米契爾 Scott Mitchell	翟耀輝	格雷同柴克兩兄弟嘅爸爸。
茱蒂·葛瑞兒	凱倫·米契爾 Karen Mitchell	曾秀清	格雷同柴克兩兄弟嘅媽媽。

爭議

科學準確度

第一部電影《侏羅紀公園》曾得到科學家嘅讚賞，因為佢緊貼恐龍文藝復興，改變咗人對恐龍係緩慢、蜥蜴型爬行動物嘅睇法。但係，《侏羅紀世界》就被某啲科學家稱為「不堪嘅怪獸片」，因為佢忽視咗最新嘅古生物學知識，冇加入有羽毛恐龍同埋正確嘅「迅猛龍」前肢擺放姿態。自電影推出預告片起，佢咃紛紛透過唔同嘅社交網站表達不滿，甚至稱呢部作品嘅科學準確度比第一部倒退。

對於類似批評，導演卓法羅回應話「電影唔完全具科學準確度係因為佢係一部科幻片而唔係紀錄片」。官方網頁上嘅一則評論指出，恐龍之所以冇羽毛，係因為科學家利用咗兩棲動物嘅DNA填補恐龍嘅基因空隙（電影入面嘅科學理論）。劇入面，吳亨利博士亦曾對賽門·西蒙·馬斯蘭尼表明，若果科學家冇加入其他動物嘅DNA嘅話，樂園入面嘅恐龍「睇落會完全唔同」，而且樂園嘅賣點亦只係「更有型」嘅恐龍。

睇埋

• 《侏羅紀世界：迷失國度》

出面網頁

• IMDb嘅Jurassic World (2015)