何福堂會所

出自維基百科,自由嘅百科全書
Jump to navigation Jump to search

何福堂會所中華基督教會香港區會舊日嘅一間會所,喺香港新界屯門新墟一帶,佢曾經係香港達德學院嘅校舍。原址大部份建築已被拆咗改做住宅,只剩低馬禮遜樓因被評為香港法定古蹟而得以保留。

馬禮遜樓[編輯]

馬禮遜樓喺1936年起,係當時中國抗日戰爭名將蔡廷鍇將軍嘅瀧江別墅嘅一部份。1946年至1949年,呢間建築物被用嚟做香港達德學院嘅校舍。1952年,倫敦傳道會(而家嘅世界傳道會)買咗呢度,用嚟做何福堂會所。1961年,傳道會將佢送畀中華基督教會香港區會,用嚟做退修嘅會所,翌年就喺佢嘅附近起中華基督教會何福堂書院。1999年,教會打算同發展商合作,將呢度改做住宅,並喺2003年3月正式向屋宇署申請拆樓。古物諮詢委員會認為馬禮遜樓具文物價值,因而使到政府從中介入,商討換地[1]。2004年3月26號,馬禮遜樓正式列為香港法定古蹟

馬禮遜樓擁有獨特嘅建築風格,中西合璧:既揀咗用上海式嘅批盪,亦用咗裝飾派藝術建築風格起。其中廡殿式嘅屋頂用中式青釉瓦片砌成,並喺四個角裝飾咗瑞龍。

參考[編輯]

出面網頁[編輯]