來路不明嘅火車

出自維基百科,自由嘅百科全書
跳去: 定向搵嘢

來路不明嘅火車》(法文Le Train de Nulle Part英文The Train from Nowhere),係一部響2004年出版,由法文寫成嘅小說。呢本書共有223頁,最大嘅特點係全本書無動詞,作者米歇爾.塔萊(Michel Thaler)聲稱係全球第一部無動詞嘅小說[1][2]

背景[編輯]

《來路不明嘅火車》喺2004年4月22號率先響法國出版。作者米歇爾・塔萊係佢嘅筆名,佢自稱係文學博士,年約60歲,之前未出版過任何嘅書[1]。對於出版呢本書嘅動機,佢解釋話「動詞就好似花叢入面嘅野草,你要鏟咗尐草,等尐花茁壯成長」[1],而且呢本小說當中係太多關於動作嘅描述,而係着重對火車乘客嘅形容。

評論[編輯]

雖然作者自評《來路不明嘅火車》係「文學史上嘅一次革命,大膽、現代、對文學嘅意義,有如偉大嘅達達主義超現實主義」,但係大部份嘅評論都係批評呢本書[1]。雜誌《新觀察家》認為呢本書令人不快,重話作者對女乘客嘅描寫,說明作者有厭女症[2]。權威文學雜誌《Lire》批評呢本書「好似係11歲學生寫成嘅作品」[3];美國《高等教育紀事報》話呢本小說「令人不安、引唔起食慾」[3]愛丁堡大學文學系教授 Geoffrey Pullum連續用咗三個「瘋狂」嚟形容呢本書[3]

對於一面倒嘅批評,米歇爾・塔萊不以為然,重話呢尐反對者過於保守[3]

參考[編輯]