俠盜獵車手V

《俠盜獵車手V》（英文全名Grand Theft Auto V，通稱GTA V）係開放世界動作冒險電子遊戲俠盜獵車手系列嘅第5個主線系列作品，由Rockstar Games發行，場景模仿美國南加州地區，喺2013年9月17號出PlayStation 3同Xbox 360版，2014年11月18號出Xbox One同PlayStation 4版，而PC版2015年4月14號發售。《俠盜獵車手V》係利用第一人稱或者係第三人稱黎遊玩嘅，令玩家喺「聖安地列斯州」入面一個叫「洛聖都」嘅城市遊玩，呢個世界其實係依照現實嘅洛杉磯為遊戲背景藍本。遊戲入面故事模式有3個主角，玩家可以自由咁轉換（但係某些任務嘅時候唔得），而故事模式裡面三位共要進行6次嘅搶劫任務。呢個遊戲亦包括埋線上多人模式，個名係叫俠盜獵車手Online，喺同年10月1號發放，每次玩家玩嘅時候，都會隨機加入一個戰局，一個戰局最多可以容納30名玩家，喺呢個戰局大家可以互相攻擊。《俠盜獵車手V》喺商業上取得極大成功，遊戲上市之後喺短短嘅24小時已經有8億美金收入，3日內賺左10億美金收入，成為銷售量最快嘅動作冒險遊戲。

遊戲內容

玩家可以喺故事模式入面靠完成各種目標黎推動遊戲進度發展。除左去做任務，無論係開闊的鄉村地區布雷恩，到虚構城市洛聖都，玩家都係喺世界入面自由穿梭，《俠盜獵車手V》嘅地圖比其公司嘅任何先前嘅遊戲都大，玩家可以由一開始就冇限制咁探索地圖，隨著故事模式嘅推動，就會有越黎越多嘅物品可以解鎖。除左探索世界，戰鬥方面玩家可以用拳腳近身攻擊、槍、炸彈黎來同敵人打，並可以以跑步、跳躍、游泳和駕駛各種載具等方式浏览地图。遊戲亦配備左輔助瞄準同埋躲避系統。如果主角受傷嘅話，只要一段時間冇再受傷，血條值就會自動恢復至一半，同以往一樣，玩家可以選擇進行主同支線任務。當玩家做左啲違法行為，就有可能比警察通緝，遊戲右上角可以見到通緝級數（最高係5級）當繼續做嘅話，通緝級數就會增加，殺警察就會即刻到3星，級數越高，警察就會採取更激進嘅行動（例如第一級警察會活抓，但第二級就會射殺），如果離開左警察實現，地圖就會有扇形藍色搜索範圍，如果玩家成功冇比警察望到，就算成功取消通緝。喺線逃離上模式，取消到越高嘅通緝級數，得到嘅經驗就越多。

第一級通緝：

警察會拘捕玩家，如果玩家比警察逮捕就要繳交保釋費用、被沒收犯罪時嘅武器，其他嘅所有武器都會冇曬彈藥。當玩家拒捕或者逃跑嘅話，就會去到第二級

第二級通緝：

警察會射殺玩家而唔再係拘捕玩家。

第三級通緝：

殺死任意警察都會立即到三星，呢個時候警察會出動配備兩個射手同埋搜索範圍更廣嘅警用直升機，路上有警用貨車放置雞爪釘去打爛玩家駕駛嘅車胎，

第四級通緝：

當犯罪行為沒有停止，到一定時間就會入第四級通緝，呢個時候就會出現著住重型裝甲，配備卡賓自動步槍嘅FIB（影射現實FBI）坐喺FIB公務車射殺玩家（探頭射擊），同埋佢哋會喺直升機垂降。

第五級通緝：

呢個時候就會進入最高通緝，FIB嘅比例明顯多左好多，道路上幾乎唔會有平民，追擊嘅車都會多好多，直升機都會（最多三架）。

玩家喺第二級嘅通緝或一下嘅時候，可以儲存遊戲或者進入安全屋（通緝唔會變）。一般情況下唔可以喺安全屋使用武器，但去到第三級嘅時候就可以。

遊戲入面有四個角色欄（羅盤樣），上面是富蘭克林·克林頓（Franklin Clinton)，左邊係麥可·迪聖塔（舊名：麥可· 湯利 Michael Townley) ，右邊係崔佛·菲利普（trevor philips) ，下面係多人模式嘅自創角色（名字都係）。故事模式嘅故事會隨著故事推進而逐漸重疊（一個任務可能3個主角都有份），一開始只有一個，之後三個都有份。喺任務入面，就黎死嘅主角會閃紅色燈，處於有利位置嘅主角就會閃白色燈，此點可以令故事更容易完成。隨著時間，搶劫嘅任務同埋難度將會增加，玩家必須選擇某些NPC（Non-playable-Charactor) 黎完成任務（有少少if路線），技術越高嘅NPC，要求嘅分紅就越高，玩家需要權衡利弊。以駭客為例，技術好高嘅駭客可以令你爭取非常多嘅時間。但係你打劫得返黎嘅錢就會少；技術低啲嘅駭客雖然得到嘅分紅少啲，但係就會藤曬雞（事實上，擁有嘅時間係一樣，例如：技術高：1分鐘；級數低：唔知喎，我估有30秒掛，但係最後都係有1分鐘比玩家），遊戲中亦有唔少策略，例如智取定係強奪。每個角色都有8個能力（一樣），分別係：體力、射擊、力量、潛行、飛行、駕駛、肺活量以及特殊能力，需要做相應嘅活動黎提升，特殊能力係三個角色都唔同嘅能力，崔佛係：增加1倍戰鬥力，並大幅減少傷害；富蘭克林係：駕駛時，提供慢動作；麥可係：射擊嘅時候提供慢動作。角色有特殊能力條，用嘅時候會減少，可以通過逆線駕駛、高速駕駛、高速穿插等黎恢復。

玩家可以喺遊戲世界入面做各種活動，就好似游水同埋定點跳傘，玩家又可以利用遊戲中嘅iFruit手機或電腦投資股票、買樓（僅線上模式）、買車等活動，又可以打電話報警，叫的士，打比其他角色相距，但係有時因為地理關係而打唔通。

遊戲嘅完成度

遊戲入面有好多嘅活動，呢度只會包括自由模式嘅活動，詳情要去俠盜獵車手V遊戲完成度睇。

• 水上競賽
• 陸地競賽
• 三項全能
• 靶場競技
• 定點跳傘

劇情

2004年嘅時候，銀行專業綁匪麥可·湯利（其中一個主角，之後個名係麥可·迪聖塔），同埋佢一個死黨（兼夥伴）崔佛·菲利普（主角之一）同埋布萊德·史奈德喺北洋克頓魯登道夫策劃左一場打劫，結果布萊德被殺，麥可亦受左重傷，崔佛亦消失左（生死未卜），麥可·湯利就改名為麥可·迪聖塔，並加入左F.I.B證人保護計畫，同屋企人生活喺洛聖都，成日同妻子阿曼達鬧交。

黑人富蘭克林·克林頓（第三個主角）住喺洛聖都嘅紅燈區，佢同拉瑪（第四個主角，不過係NPC）一直喺亞美尼亞裔汽車商到，幫一個叫西門嘅人收返欠車貸唔還嘅人。2013年嘅時候，因為麥可個20歲仔吉米未還錢，令富蘭克林同麥可開始左一段關係。咁岩，麥可就推斷到佢個仔即將比人收數，就逼富蘭克林（當時富蘭克林喺架車上面，麥可喺後面用手槍指住富蘭克林黎威脅佢）開車打爛西門間舖頭，之後麥可打西門，但冇打死佢，從此富蘭克林同拉瑪就唔再係西門嘅員工，亦令富蘭克林見到麥可咁把炮，決定同麥可做左朋友，並打算一齊打劫黎賺啲錢，突然，吉米打電話黎，話本來佢想偷偷地賣左麥可隻遊艇，但係比人呃左，自己亦有危險，愛子心切嘅麥可同富蘭克林就楂阿曼達架車去救吉米，最後因為架車壞左，遊艇救唔返，但係吉米就冇事，整好架車之後，富蘭克林車返吉米返屋企。阿曼達同麥可成日大家唔妥大家，麥可有一日發現佢老婆同一個網球教練出軌（戴綠帽），於是就同富蘭克林拖爛左佢間屋，點知間屋企根本就唔係網球教練，而係墨西哥毒梟馬丁·瑪德拉索，小三向佢告狀，馬丁叫麥可還返二百幾萬美金佢，令麥可又要重操舊業。為左完成打劫，佢聯絡左一個專業駭客萊斯特，萊斯特表示願意幫佢搶劫一件珠寶店。另一邊，富蘭克林、拉瑪同一個岩岩出獄嘅基佬羅德·「史崔奇」約瑟夫去到回收工廠傾生意，遇到D，點知原來係一個局，幫派嘅人殺緊上黎，史崔奇即刻殺死左D，亦都殺出重圍。麥可、富蘭克林、萊斯特個打劫大獲成功，而萊斯特亦處理緊批珠寶，麥可同富蘭克林喺屋企傾緊計嘅時候，FIB探員戴夫·諾頓問珠寶單野係咪佢做嘅，麥可否認。戴夫打開電視比麥可睇，但麥可隨手關左。崔佛·菲利普，呢個當年北揚克頓搶劫案的另一名倖存者，聽到麥可嘅名言嘅時候：「你每日都唔記得成上千件事，點解又唔唔記得埋呢間事」(You forget a thousand things everyday, how about you make sure this is one of them?)（麥可曾在北揚克頓的搶劫中講到），就即刻發現原來麥可根本冇死，所以一口咬定呢個打劫係佢嘅傑作。於是崔佛就去左搵麥可嘅屋企（並成功搵到）。當麥可同佢屋企人又鬧緊交嘅時候，崔佛突然出先喺大家面前，見到崔西唔喺度嘅時候，崔佛隨口問下佢去左邊，吉米即刻講漏口，話佢去左參加一個叫 《出名或出醜》（Frame or Shame )嘅選手節目。當佢地（崔佛同麥可）去到體育場嘅時候，發現原來崔西喺度跳艷舞，崔佛已經睇唔落去，並想打雷茲羅（主持人），於是佢哋就一路追到河邊，崔佛羞辱一番雷茲羅之後，就放走左佢。同崔佛離別之後，麥可受到萊斯特嘅電話，話錢已經還曬，戴夫同麥可聯繫，話有事要麥可幫手（因為有個探員似乎仲未死，並且佢可能直到戴夫同麥可啲勾結，而戴夫會因為咁而比人上office查佢啲資料，咁成件事就會黃左），總之麥可要幫戴夫入CAA內部查一查，於是佢就比戴夫打暈左。轉頭麥可就喺CAA內部嘅一個類似停屍間嘅地方「死過翻生」，並發現到費南德·科謬夫個名牌，咁岩CAA嘅探員衝緊上黎，結果麥可成功逃走，之後戴夫就打黎話有種方法可以令FIB同IAA嘅經費，想麥可幫手，於是佢就約左富蘭克林喺油井高地傾，富蘭克林見到佢咁嚴肅，都知有啲大事麥可準備話比佢聽，麥可同佢長話短說咁講返崔佛同佢嘅一啲故事，並請求富蘭克林幫手，富蘭克林都義不容辭咁表示願意幫手。

故事嘅發展都開始講返每個角色嘅私生活。崔佛嘅魯莽亦成日出現，而麥可嘅行為就越黎越古怪，家人一度因為咁而離開，麥可亦自己白手起家，仲成日同坐擁億萬身家嘅風險投資家德凡·維斯頓有牙齒印，最終爆發左一場衝突。富蘭克林亦因為拉瑪受到幫派份子史崔奇嘅影響最近嘅一啲行為開始心掛掛，原來史崔奇坐監嘅時候入左敵對幫派，為左想兄弟證明自己，一直打算暗殺拉瑪，但每次都唔成功。崔佛嗰邊亦唔多好，佢用左魯莽嘅方法同敵對幫派「打仗」，而佢嘅對手，就係販賣冰毒分銷商、政府僱傭兵，三合會首領陳偉同埋丹尼爾。開戰前，俠盜獵車手：失落與詛咒的主角強尼·克雷比茲（Johnny Klebitz）比崔佛踩爛個腦死左。

麥可喺威能街FIB總部留下嘅咖啡廳同行動長官史提夫·海恩斯見面，海恩斯脅迫麥可打擊CAA。喺海恩斯嘅指導下，佢聯絡左崔佛同富蘭克林，佢哋三個打劫左一架載有政府黑錢嘅運鈔車。馬丁嘅弟弟哈維爾·瑪德拉索想要指控馬丁，並擁有對馬丁不利嘅資料，咁岩佢哈維爾就答緊飛機返自由城，馬丁想打低架飛機並拿回資料，麥可激怒左馬丁，崔佛因為冇拿到應有嘅報酬而綁架左馬丁個妻子派翠莎·馬德拉索並咬爛左馬丁左邊隻耳仔，馬丁向全部家族成員下達殺左崔佛同麥可嘅通緝令，麥可、崔佛同派翠莎唯有喺沙漠嘅一間爛屋（原本崔佛個屋企）消聲匿跡。之後，富蘭克林發現麥可間屋企空空如也，就打去問麥可發生咩事，麥可表示佢喺崔佛屋企，要跟住佢費事佢亂咁黎。不久FIB探員戴夫等人搵到佢哋，並表示要買裝備，所以要求佢哋去打劫佩立托灣一間銀行。於是麥可就聯絡左富蘭克林同埋萊斯特就搶左軍方嘅重型裝備成功打劫並全身而退，三人亦搵到唔少錢。另一邊，海恩斯嘅做野方法受到上司嘅質疑，佢就叫麥可同富蘭克林滲透入FIB內部，並消除所有對海恩斯不利嘅資料，麥可亦順便剷埋自己嘅資料，令海恩斯冇得再威脅自己，崔佛送返派翠莎馬丁之後，就返返去佛洛依德間屋企，因為佛洛依德個女朋友黛博拉喺屋企，所以佢根本唔想崔佛入屋，崔佛格硬入屋之後，同黛博拉發生衝突，之後佢拿起槍，指住崔佛同弗洛伊德，威脅佢哋離開，同時羞辱弗洛伊德：「鮑伯講得冇錯，你根本唔係一個男人！」，弗洛伊德亦拿起到拎起一把刀警告黛博拉唔好同鮑伯接觸。經過黑幕之後崔佛滿身都係血咁出返黎，咁岩撞返要上樓嘅韋德，於是就帶左佢去脫衣舞俱樂部。鏡頭返返去坐喺梳化嘅麥可，佢突然受到萊斯特嘅電話，話有個「聯合儲蓄」嘅打劫任務，並聯絡左崔佛同富蘭克林，最後佢哋決定做有史以來最大嘅一個搶劫————打劫聯合儲蓄。

返到洛聖都之後，崔佛發現原來布萊德根本冇坐監，只不過係喺北揚克頓麥可嘅假墳墓（即係原本麥可中槍係假死，訓喺棺材條屍係布萊德），麥可之後比崔佛嘅對頭敵人陳偉抓起左，並要脅崔佛救佢，富蘭克林都開始覺得唔對路，所以叫萊斯特追查返麥可嘅位置，但一無所獲，唯一在場嘅崔佛因為太過憎恨麥可，所以唔理佢。最後富蘭克林用追蹤器成功搵返麥可。麥可比戴夫約左喺一座露天商場（喺山）見面，之後發現原來係個局，最後關鍵時刻崔佛登場並打底左一架直升機，並講：如果有人可以殺左你嘅話，咁嗰個人一定係我。但係佢冇殺麥可，佢無法原諒麥可，只想打完最後一次劫之後分道揚鑣。

打劫任務順利完成，但係崔佛同麥可嘅關係正式玩完，同時，戴夫同海恩斯認為崔佛因為十分唔穩定而覺得應該被剷除，德凡想報復返麥可嘅背叛，最後決定由富蘭克林決定。一係為左戴夫同海恩斯，殺死崔佛（選項A）；為左得凡，殺死崔佛（選項B）；或者兩邊都唔選，寧死不屈，將大家組合起黎殺返佢哋。(選項C）

最後嘅結局

選擇A嘅話：「明智」嘅選擇（諷刺緊崔佛係隻癲狗）

富蘭克林同麥可誘殺崔佛，到油田，崔佛燒死，搶劫分紅由富蘭克林同麥可平分，但係咁做嘅話，兩個人都唔會再見面。

選擇B嘅話：因果循環（諷刺緊麥可當初背信棄義，出賣朋友，最後都係俾人反叛而死）

富蘭克林唔理崔佛嘅反對，殺死麥可，但係咁做嘅話，兩個人都唔會再見面同埋亦唔會拎到任何分紅（萊斯特將錢過曬數比佢屋企人）

選擇C嘅話：第三條路—寧死不屈（殺死曬所有敵人，史崔奇、陳偉、海因斯、德凡）

富蘭克林叫萊斯特組合返麥克同崔佛，並放流料比FIB，CAA同埋梅利威瑟，話佢哋會喺個工廠溶化打劫搵到嘅金塊。富蘭克林痛拉瑪都趕到現場，先化解返崔佛同麥可嘅衝突，三人再次合作，之後佢地殺曬所有聞訊而來嘅傭兵，亦各自殺曬各自嘅老大。麥可殺死富蘭克林嘅敵人史崔奇同埋佢啲黨羽；富蘭克林殺死崔佛嘅敵人陳偉同埋佢啲黨羽；崔佛殺死FIB嘅海恩斯（戴夫因為幫過麥可而俾人留番條命仔），仲入埋通瓦山抓走三人嘅共同敵人—德凡，綁左佢喺懸崖，三人集合，三人嘲諷佢之後就一齊推裝住佢嘅車落海，爆炸而死。最後三人成功拎到各自嘅分紅，並保持著良好嘅關係。

分級

ESRB	CERO	PEGI	ACB	USK	GSRR	GRAC