泛歐洲遊戲信息組織

出自維基百科,自由嘅百科全書
Jump to navigation Jump to search

 泛歐洲遊戲信息組織粵拼fan6 au1 zau1 jau4 hei3 seon3 sik1 zou5 zik1英文Pan European Game Information),簡稱PEGI,係歐洲自我監管協會之一,2003年4月9號由歐洲主動軟件聯邦英文Interactive Software Federation of Europe考慮到電子遊戲出現鹹濕或血腥、暴力、嗌交、打交、粗口等一系列暴力嘅拗數而成立,主要職責係監管啲電子遊戲嘅年紀同內容嘅分級。喺成個歐洲地區,有39個成員國都按照佢嘅分級標準嚟幫電子遊戲進行分級制度。

佢屬下嘅分級有3、7、12、16、18呢5個級,每個級都有佢唔同嘅解釋。另外,喺葡萄牙當地出現有4、6呢兩個分級;喺芬蘭當地曾經喺2003年4月9號到2006年大除夕期間出現有11、15呢兩個分級。不過亦有例外,喺德國當地同巴爾幹半島西邊啲國家仔唔用呢個分級;喺歐洲以外地區,南非印度以色列嘅遊戲機市場亦用咗呢個分級。

屬下分級[編輯]

撈稿 意思 幾時開始 詳細解釋
PEGI OK.svg 乜人都啱玩 2010年 入面啲內容乜問題都冇。連允許剝光豬同幻想性暴力成份都唔畀出現。一般嚟講,呢個分級淨喺網頁遊戲同埋好細規模啲flash遊戲仔先至有[1]
PEGI 3.svg 乜人都啱玩 2003年[2] 入面啲內容乜問題都冇。雖然允許剝光豬同幻想性暴力成份,但絕對唔畀有對細路有害同現實人物嘅相關線索[2]。成部作品入面要唔畀有涉及性交行為或帶粗口內容[2]
PEGI 7.svg 凈啱7歲及以上啲人玩 2003年[2] 入面凈有些少細節涉及恐怖場面或聲音嘅內容[2]
PEGI 12.svg 凈啱12周歲及以上嘅人玩 2003年[2] 入面有相當一部分情節涉及虛構或恐怖、暴力、不雅情節嘅內容[2]
PEGI 16.svg 凈啱16周歲及以上嘅人玩 2003年[2] 入面有好多情節涉及虛構、恐怖、及真實性暴力、不雅情節內容,而且粗口超多兼涉及犯罪、黑社會組織嘅情節[2]
PEGI 18.svg 凈啱18周歲及以上嘅人玩 2003年[2] 入面唔單止有多到數唔嗮嘅虛構、恐怖、及真實性暴力、不雅情節、粗口超多、題材敏感、大量暴力犯罪、黑社會、鹹濕嘅內容,重有超多得人憎嘅行為情節喺埋入面[2]
- 等出街販賣 2018年[3] 入面可能有附加收費內容(例如微交易英文microtransaction下載性內容英文downloadable content),啲嘢要另外收錢(類似網遊嘅道具商城或時長收費功能)。

喺葡萄牙當地冇3同7呢兩個分級,而係有4同6呢兩個分級;喺芬蘭當地早期冇12同16呢個分級,而係有11同15呢個分級;不過含義同歐盟用嘅3、7同12、16嗰三個分級一樣噉解[4]

所屬國 對應分級 用過嘅時段
PEGI 3 PEGI 7 PEGI 12 PEGI 16
葡萄牙 PEGI 4.svg PEGI 6.svg PEGI 12.svg PEGI 16.svg 2003年4月9號~而家
芬蘭 PEGI 3.svg PEGI 7.svg PEGI 11.svg PEGI 15.svg 2003年4月9號~2006年12月31號

除咗以上分級之外,PEGI重定咗啲内容撈稿嚟分清楚3、7、12、16、18級遊戲係涉及以下呢啲題材:

撈稿 涉及題材 對應分級
PEGI Violence.svg 暴力、打交 PEGI 7.svg PEGI 12.svg PEGI 16.svg PEGI 18.svg
PEGI Bad language.svg 粗口、嗌交 PEGI 12.svg PEGI 16.svg PEGI 18.svg
PEGI Fear.svg 恐怖、血腥 PEGI 7.svg PEGI 12.svg
PEGI Sex.svg 鹹濕、性交、性內容、性教育 PEGI 12.svg PEGI 16.svg PEGI 18.svg
PEGI Drugs.svg 吸毒、啪丸、啪藥 PEGI 16.svg PEGI 18.svg
PEGI Gambling.svg 賭錢 PEGI 12.svg PEGI 16.svg PEGI 18.svg
PEGI Discrimination.svg 歧視、褻瀆 PEGI 18.svg

PEGI喺發佈遊戲分級時都有對遊戲作品搞過有冇帶網遊性質嘅分級,不過喺2015年7月取消咗[5]

撈稿 意思
PEGI Online.svg 呢個遊戲帶有網遊性質(凈喺2015年7月份之前發佈啲遊戲先至搵到)

[編輯]