電腦娛樂分級機構

來自維基百科
跳去導覽 跳去搵嘢

 電腦娛樂分級機構（粵拼：din6 nou5 jyu4 lok3 fan1 kap1 gei1 kai3） （日文：コンピュータエンターテインメントレーティング機構（きこう）(Konbyūtaentāteinmentorēdingu Kikō)；英文：Computer Entertainment Rating Organization），簡稱CERO，係日本嘅特定非營利活動法人之一，2002年6月由電腦娛樂協會（日文：コンピュータエンターテインメント協会）考慮到電子遊戲出現鹹濕或血腥、暴力、嗌交、打交、粗口等一系列暴力嘅拗數，及軟件定遊戲嘅界限而成立[1]，主要職責係監管啲電子遊戲嘅年紀同內容嘅分級。喺有呢樣審查之前，PS同PS2機、SEGA、XBOX同任天堂主機都有各自嘅自我審查機構，以確定嗰啲遊戲係唔係有太多不良內容而修正後發佈。

佢屬下嘅分級有A、B、C、D、及Z呢5個帶色彩分級同埋3種冇色彩嘅分級，每個級都有佢唔同嘅解釋。

屬下分級[編輯]

撈稿 意思 幾時開始 底色 詳細解釋
CERO A.svg 乜人都啱玩 2002年10月[2] 入面啲嘢冇任何冒犯細路嘅情節，啱任何細路同成年人玩。
CERO B.svg 建議畀12周歲以上啲人玩 2002年10月[2] 入面有些少內容涉及性、暴力、兇殺、血腥、犯罪系列，不過有強烈證據話冇啪藥、飲酒、食煙，亦有些少涉及歧視、賭錢內容。
CERO C.svg 建議畀15周歲以上啲人玩 2002年10月[2] 入面有好多證明話內容涉及性、暴力、兇殺、血腥、犯罪、啪藥、飲酒、食煙、賭錢系列，亦有些少涉及歧視內容。
CERO D.svg 建議畀17周歲以上啲人玩 2006年3月[3] 入面有大量畫面涉及成年人題材。因為太多題材證明話內容有性、暴力、兇殺、血腥、犯罪、啪藥、飲酒、食煙、賭錢系列，亦有些少涉及歧視內容。建議唔好賣呢啲遊戲帶畀未成年人士。
CERO Z.svg 凈啱18周歲以上啲人玩 2002年10月[2] 入面好多時有涉及成年人題材。因為太多題材證明話內容有性、暴力、兇殺、血腥、犯罪、啪藥、飲酒、食煙、賭錢系列，甚至教壞人、犯罪、歧視等一系列違法行為。呢啲帶唔單止唔畀未成年人玩，相反遊戲機市場都唔賣呢啲帶畀未成年人[註 1]。
CERO Kyouiku Deitabeisu.svg 教育或數據庫系列 2010年8月 入面啲內容涉及教育或數據庫或實用軟件類程式，同遊戲無關[註 2]。
CERO Shin Sa Yo Tei.svg 等緊審查 2003年[4] 呢啲遊戲或軟件未接受個審查。
CERO Kitei Teikikou.svg 測試版 2003年[4] 呢啲遊戲凈係測試版。入面啲嘢好唔全面，同最終發售版差咗好遠[5]。

除咗以上分級之外，CERO重定咗啲内容撈稿嚟分清楚B、C、D、Z級遊戲係涉及以下呢啲題材：

撈稿 涉及題材 對應分級
CERO Love.svg 戀愛、同性戀 CERO B.svgCERO C.svgCERO D.svg
CERO Sex.svg 鹹濕、性交、性內容、性教育 CERO B.svgCERO C.svgCERO D.svgCERO Z.svg
CERO Violence.svg 暴力、打交 CERO B.svgCERO C.svgCERO D.svgCERO Z.svg
CERO Fear.svg 恐怖、血腥 CERO B.svgCERO C.svg
CERO Tobacco and alcohol.svg 食煙、飲酒 CERO C.svgCERO D.svg
CERO Gambling.svg 賭錢 CERO C.svgCERO D.svg
CERO Crime.svg 兇殺、犯罪題材 CERO B.svgCERO C.svgCERO D.svgCERO Z.svg
CERO Drug Use.svg 吸毒、啪丸、啪藥 CERO B.svgCERO C.svgCERO D.svg
CERO Bad language.svg 歧視、粗口、褻瀆、嗌交 CERO B.svgCERO C.svgCERO D.svg

註同攷[編輯]

註
  1. ↑ 因爲喺日版正版遊戲機盒左下角嘅分級撈稿當中，凡係列入咗「Z」級嘅帶，右邊隔籬都有寫「本商品は18才未満の方には販売しておリません」字樣，粵語翻譯係「呢樣商品唔賣畀未夠18歲啲人」噉解。
  2. ↑ 喺日本當地嘅軟件審查機構，若果審查到啲嘢涉及些少遊戲成份，唔理入面啱唔啱細路玩定有冇任何冒犯性內容都好，都會統一分入帶顏色底嘅分級（最低A級），即使係帶「教育」嘅旗號（包括打擦邊波）都一樣。
攷
  1. ↑ 北村孝和 (2002-06-07). 〈CESA、ゲームソフトに年齢別レーティングを設定する独立機構「CERO」を設立〉. Impress Watch. 原著喺2004-12-09歸檔. 喺2008-06-27搵到.Template:リンク切れ
  2. ↑ 2.0 2.1 2.2 2.3 進藤智則 (2002-07-29). 〈ゲーム・ソフトの倫理自主規制「年齢別レーティング」，2002年10月から開始〉. 日経テクノロジーオンライン. 原著喺2006-04-28歸檔. 喺2008-06-27搵到.Template:リンク切れ
  3. ↑ 〈CEROのレーティング制度が3月1日をもって変更。18歳未満への販売禁止区分を新設〉. 電撃オンライン. 2006-02-17. 喺2008-06-27搵到.
  4. ↑ 4.0 4.1 〈レーティングに関する最新情報〉. コンピュータエンターテインメントトレーディング機構. 原著喺2005-11-28歸檔. 喺2008-06-27搵到.
    〈CEROレーティングマークについて〉. ソニーコンピュータ・エンタテインメント. 喺2008-06-27搵到.
  5. ↑ "CERO - Ratings Wiki Guide - IGN". IGN. 喺21 April 2018搵到.
由「https://zh-yue.wikipedia.org/w/index.php?title=電腦娛樂分級機構&oldid=1503982」收