倒夜香係一種古老行業，服務業，體力勞動工種，係正當行業，運輸業。而家已經俾水廁、化糞車、公廁代替咗。
倒夜香出現嚮舊式唐樓社會，無論嚮鄉下村落，或者城市住宅地方，有人嘅地方就有人要大便，冇拉水馬桶廁所就用痰盂疴屎，之後倒埋倒埋落屎塔，上蓋密封，等夜晚有屎車嚟收夜香，清潔工人多數係女工，特別叫做夜香婦，佢哋用毛巾包住個鼻，逐家逐戶拍門話「倒夜香」，住戶就將個屎塔（又叫做夜香筒）放出去門口、樓梯口轉角咁，夜香婦就會用擔挑搬落街，倒上去倒屎車，運走。
嚮一啲國家，未有水廁嘅社區，都有倒夜香類似嘅服務，佢雖然係厭惡性職業，但係工人人工唔係太高。
