跳去內容

倖存偏誤

出自維基百科,自由嘅百科全書
(由倖存偏見跳轉過嚟)
戰機倖存偏誤嘅想像圖;紅點表示「基地入面啲戰機身上有畀人打中過嘅部份」-出乎意料嘅係,基地入面啲戰機冇任何一架係駕駛艙畀人打中過嘅。

倖存偏誤粵讀:hang6 cyun4 pin1 m6 | 英文survivorship bias),係認知偏誤一類,大難篩選之中,偏向聽到倖存人事之說法,遇害嘅,不見光,無人理。如此偏見,係邏輯錯誤,往往得出錯嘅結論。由於聽倖存嘅經驗,令到聽者過份樂觀,失敗經驗完全忽畧。有時誤導大眾,倖存者都有同一特徵,有時可能係真,但亦有可能純粹巧合

財經之上,往往只統計現存。如分析一眾公司表現,成功嘅公司長在,而失敗無咗嘅公司,分析就剔在外,到最尾,就偏向成功嘅公司。如投資基金表現,成功基金長在,而失敗基金會收起,或者合拼,結果睇嚟多數基金表現都好好。

歷史

[編輯]

二戰嗰時,有美軍嘅分析師試過研究戰機裝甲,佢哋分析返空軍基地嘅戰機喺乜嘢部位畀敵人子彈打過(搜集數據),諗住畀敵人子彈打得多嘅部位就要加厚裝甲;結果發現,返到基地嘅戰機當中冇一架係駕駛艙畀敵人子彈打過嘅(好似附圖所示);噉唔係表示駕駛艙唔使加厚裝甲,而係因為駕駛艙畀敵人打中嘅戰機根本唔會返到基地-駕駛艙畀敵人打中嘅戰機過唔到「生還」呢個甄選程序,令最後得到嘅數據望落好似反映「冇戰機嘅駕駛艙畀敵人打中過」噉[1]

睇埋

[編輯]

引述

[編輯]
  1. Mangel, Marc; Samaniego, Francisco (June 1984). "Abraham Wald's work on aircraft survivability". Journal of the American Statistical Association. 79 (386): 259-267.