假獨立

出自維基百科,自由嘅百科全書
跳去導覽 跳去搵嘢

喺香港,假獨立係指一啲無申報自己嘅政治聯繫,甚至標榜自己係獨立無黨派,但實質係從屬於某一政黨或政治陣營嘅候選人。

而呢啲候選人,有啲甚至聲稱自己支持民主,但實質多數都係來自親中陣營。相比起之下,泛民主派候選人就算無申報政治聯繫,但佢哋並唔會講到自己完全獨立,亦會向選民交代自己得到乜嘢泛民主派人士嘅支持。

但由於香港無政黨法,一啲地區組織同社團聯會係咪屬於政治組織,仍存在灰色地帶[1]

唔同選舉入面嘅情況[編輯]

2012年香港立法會選舉[編輯]

部分被指假獨立嘅候選人有梁美芬謝偉俊何漢權龐愛蘭等。佢哋表面聲稱獨立,但係喺地區直選層面,就會私下利用傳統親中派大黨民建聯工聯會嘅選舉機器拉票。另外,佢哋好多時候亦喺平反六四同埋德育及國民教育科等重大問題上迴避[2]

2017年中西區區議會東華選區補選[編輯]

喺呢次選舉入面,民主黨伍凱欣得到泛民主派陣營支持,迎戰親中陣營嘅呂錦強,但前工黨成員劉舒燕亦有報名出選呢區,被指以假獨立身份去鎅票[3],而劉最終只係攞到20票[4]

2019年香港區議會選舉[編輯]

呢次選舉喺香港修例風波下,好多候選人都旗幟鮮明,但亦有啲候選人報稱獨立、無黨無派,喺政綱入面寫上『五大訴求,缺一不可』等泛民主派陣營嘅口號,但之後被揭發同親中陣營有密切關聯。有啲人就認為,呢啲候選人『扮黃扮獨立』,實際係要鎅票,分薄泛民主派候選人嘅選票,掩護親中陣營候選人。呢啲被指假獨立嘅候選人,包括馮敬彥徐駿楠蔣靖雯官東榮[5]

2021年香港立法會選舉[編輯]

有唔少候選人喺政治聯繫嗰度報稱獨立,但實質就同創建力量九龍社團聯會等親中陣營組織擁有密切聯繫。其中,謝偉俊身為創建力量首席顧問,而創建力量嘅組成都係來自親中派議員,全國人大,但就話自己獨立[1]

另外,參選批發及零售界嘅林至頴,本身係香港中華出入口商會會員,但就聲稱自己獨立,甚至喺宣傳嘅時候,話自己獨立嘅身份係優勢之一[1]

參考[編輯]

  1. 1.0 1.1 1.2 新聞 | 8候選人報稱 部分人為創建力量、九龍社團聯會成員 如何界定. (中文). 喺2022-06-22搵到.
  2. . . 2012-09-09.{{cite news}}: CS1 maint: url-status (link)
  3. 黃世澤 (2017-10-26). 劉舒燕 啲五毛真核突. MO's notebook 4G 黃世澤 的筆記簿. 原先內容歸檔喺2021-12-07. 喺2021-12-07搵到.
  4. 潘希橋 (2018-01-04). 指區會補選 劉舒燕總開支2萬餘元 平均每票值1230元. 港01 (香港中文). 原先內容歸檔喺2021-12-07. 喺2021-12-07搵到.
  5. 港区选"独立"候选人真假难辨 北京背后操盘?. Radio Free Asia (中國中文). 喺2022-06-22搵到.