華僑日報
(由僑星大廈跳轉過嚟)
提示：呢篇文講嘅唔係華僑報。《華僑日報》（粵拼：waa4 kiu4 jat6 bou3；英文：Wah Kiu Yat Po）係香港以前一間報館同出嘅同名報紙，1925年6月5號創刊。前身係旅港華商總會同人開辦嘅《華商總會報》，收尾由岑維休、陳楷承辦，改名《華僑日報》，當時總編輯係李大醒，之後係胡惠民，原址嚮乍畏街，之後搬去荷李活道近聚賢居個位。1945年至1988年期間，曾經出版《華僑晚報》。嚮1990年代，《華僑日報》幾次轉老闆，1995年1月12號停刊。
發展物業
[編輯]- 僑星大廈：喺香港島西半山干德道70號，1966年入伙，有地下車房泊車位，樓高7層，21伙，1000至1400平方呎，戶戶有騎樓。佢起嚮西環羅便臣道近旭龢道5號龍騰閣對上個斜坡上面。
- 華星大廈：喺香港島西半山干德道68號，僑星大廈隔籬，用同一個平台露天停車場，係純住宅，樓高7層，21伙，單位由1345平方呎至1600呎，戶戶有騎樓。近香港大學大學道，以前黃霑住過。
出面網頁
[編輯]- 香港公共圖書館舊報紙館藏，網上免費檢閱《華僑日報》
- 香港文學資料庫《〈華僑日報．文藝〉》