價值投資

價值投資（value investing）係一種投資策略，指用基本分析（fundamental analysis；分析財務報表、市場同利率等因素嚟評估間公司嘅前景）對見到嘅上市公司作出分析，並且郁手買認為係價錢低得滯嘅嘅股票。

對於採用價值投資嘅投資者嚟講，靠投資賺錢嘅重點在於「市場上嘅第啲投資者唔能夠準確噉評估啲公司嘅潛力」－佢哋認為自己要做嘅嘢係搵出第啲人唔識珍惜嘅公司嘅股票，買入呢啲股票，等到呢啲股票（如自己預期）升嗰陣，自己就有賺。好出名嘅「股神」巴菲特（Warren Buffett）就好鍾意用價值投資呢種策略。