利率
利率，又叫息率，全名利息率，係利息嘅比率，好多時都係影響借錢人借錢嘅代價，同一金額同一還錢期計，利率越高，要畀嘅利息亦都越高。
政策運用
[編輯]政府可以透過減低商業銀行嘅存貸款利率，嚟推動經濟增長：政府減低利率，即係話啲人借錢去做生意同投資嘅誘因會增加，而當呢啲活動多咗，經濟就會容易增長。
另外，減低利率都可以減低通縮嘅機會：如果一個經濟體啲貨品同服務嘅價錢係跌緊（通縮），啲人就會傾向唔買嘢，因為佢哋估佢哋想要嘅嘢之後會更平，消費就會跟住減少。咁樣就會形成惡性循環。但係減低利率就會令啲人更加想（譬如）借錢買樓，通常仲會形成輕微嘅通脹，啲人就會唔想揸住啲錢，反而想攞啲錢去使（或者去投資）令消費增加。不過減低利率都可能會帶嚟通脹或者流動資金太多嘅風險[1]。
睇埋
[編輯]引咗
[編輯]- ↑ 利率如何影響通膨和成長，Skilling（中文書面語）
 |