市場價值

出自維基百科,自由嘅百科全書

經濟學上,市場價值粵拼si5 coeng4 gaa3 zik6英文market value)係指一件貨品或者服務喺心甘情願而且有充分資訊嘅買家同賣家之間交嘅價格

概論[編輯]

睇埋:慾望同埋效益

舉個例說明,想像有一隻電子遊戲(game,粵拼gem1)喺市面上賣緊,一個市場入面有啲消費者想買隻 game 有啲唔想:隻 game 嘅出版商首先為隻 game 定咗個價;呢隻 game 嘅經濟價值對個個消費者嚟講都唔同-有啲消費者好想玩隻 game,隻 game 滿足得到佢哋嘅慾望(對佢哋嚟講,隻 game 有 咁多經濟價值);有啲消費者根本對打機一啲興趣都冇,所以隻 game 完全滿足唔到佢哋嘅慾望(對佢哋嚟講隻 game 經濟價值係零);有啲消費者有些少鍾意隻 game,所以隻 game 對佢哋嚟講有啲經濟價值 ,但係 ,於是呢班消費者就冇第一批消費者咁願意使錢,就可能會(例如)等多兩三個月,隻 game 價錢跌先至郁手買。响經過咗一柞個體決策過程之後,賣隻 game 嘅出版商可能會選擇加價或者減價,最後隻 game 就有咗個價格 ,意思係個市場當中呢隻 game 平均每件賣 咁多錢[1]

一件貨品服務嘅市場價值好大程度上由經濟價值話事:如果有一件貨,佢好能夠滿足消費者嘅慾望,對所有消費者嚟講都有好高嘅經濟價值,令所有消費者都肯付出高嘅代價嚟得到呢件貨,最後結果件貨就會有高嘅需求量,所以(根據需求定律)呢件貨就會有高嘅市場價值[2]

睇埋[編輯]

參考[編輯]

引咗[編輯]

  1. Mackay, Hugh (Editor) (1997). Consumption and Everyday Life (Culture, Media and Identities series). Thousand Oaks, Calif: SAGE Publications.
  2. Gale, D. (1955). The law of supply and demand. Mathematica scandinavica, 155-169.