定價策略

出自維基百科,自由嘅百科全書
跳去導覽 跳去搵嘢
價錢牌講明一件衫幾多錢。價錢對客人買嘢嘅意慾會有相當嘅影響。

定價策略英文pricing strategy)係營銷上嘅一個大課題,指賣家喺定一件產品價錢要點,先可以令自己嘅利潤有咁大得咁大。

概論[編輯]

睇埋:營銷組合

例如動態定價(dynamic pricing)就係廿一世紀初開始興起嘅一種定價策略:動態定價係指「件產品嘅價錢由而家呢一刻嘅市場需求決定」,而市場需求好多時都會用一啲專化嘅電腦演算法嚟定時定候(例如每個鐘頭一次)估計,令到一間公司可以喺需求提升嗰陣收多啲錢,將利潤最大化。

好似優步(Uber)噉,就係動態定價嘅一個出名例子,優步嘅流動應用程式可以俾人通過網絡嚟約車,方便住喺城市嘅人可以唔使自己揸都可以有車坐,喺廿一世紀初嘅西人國家頗為受歡迎,優步採取咗動態定價嘅做法-

  • 優步約車係用流動應用程式做嘅,所以優步公司可以輕易噉知道每一刻時間有幾多客想約車(需求量);
  • 簡單講,優步約車有一個標準約車費(standard rates),而優步嘅流動應用程式會將個標準約車費以一個數(multiplier),乘嘅數同嗰一刻時間嘅需求量成正比,再用最後得出嘅數做實際嘅約車費,實際約車費 標準約車費
  • 所以一旦需求量升,例如係朝頭早多人要返工嘅時段、或者落雨好多人想坐車返屋企... 呀噉,約車費就會升,而且成個過程高度自動化。

優步嘅做法俾唔少人批評,例如有用戶投訴話佢哋落雨想約車嗰陣,發現約車費突然升咗成 8 到 10 倍,搞到佢哋好麻煩。不過商界一般都公認,優步嘅做法係廿一世紀初定價策略上嘅一大創新[1][2]

睇埋[編輯]

[編輯]