品牌管理

二〇二二年喺香港一角影到嘅高露潔產品；高露潔賣口腔清潔用品賣咗咁多年，消費者好可能慣咗將呢隻牌子同健康聯想埋一齊。

品牌管理（粵拼：ban2 paai4 gun2 lei5）係指對企業對自己嘅牌子以及市場形勢作出分析，並且用呢啲分析嘅結果做商業決策。

應用

喺品牌管理入面，將消費者嘅購買行為同埋買咗嘅商品，分開咗2邊去睇 (價值切割)。其中一部分係消費者對產品本身嘅價值，另一部分係消費者心入面對於品牌嘅價值。當消費者係比較2件或以上產品時，如果覺得佢地係價值上差唔多嘅時候，品牌嘅價值就會決定咗消費者嘅購買抉擇。

• 消費者對於品牌嘅忠誠度愈高，品牌價值影響消費者抉擇嘅能力就愈大。
• 消費者對品牌聯想嘅速度，同消費者決定購買嘅速度成正比。
• 品牌知名度同顧客對於產品嘅好奇成正比。

發展史

1985-1992

為品牌管理嘅發展初期，最初嘅概念係廠商就係品牌嘅擁有者，而品牌本身嘅價值要由傳遞者傳達，因此討論上着重於推廣廠商嘅品牌身分，同品牌價值嘅傳遞能力。

1993-1999

品牌管理學者開始注意到，人類係有特性嘅，就算係品牌傳送出去嘅信息係一樣，但係仍然會因唔同人而產生價值上嘅差異。開始研究係乜野特性嘅人，會對乜野本質嘅品牌感興趣，有咩原因會有較高嘅影響力。

2000-2006

再對於人有着更深入嘅認識後，發現人類都係有展現「個人品牌」嘅慾望，會去諗其他點睇自己 (自身嘅認知)，咁樣產生左人類文化嘅分歧。同質嘅「個人品牌」會聚集，同周圍嘅文化產生差異。喺文化入面都會有所謂嘅領導者，領導者用自身嘅文化圈影響周圍，如果喺能提升到領導者對於品牌價值嘅認知時，即可能提升整個文化圈對於品牌價值嘅認知。

睇埋

• 市場學
• 消費者心理

連結

• 維基同享中有關品牌管理嘅資源類