經濟用語

以下呢篇經濟用語，係講日常用語當中嘅經濟學概念。有關嚴格經濟學上嘅術語，可以睇睇經濟學詞彙表。

香港廣東話財經嘅常用語

• 沽空，係沽出股票，之後先再買入股票
• 睇好，係投資者睇升某一投資產品
• 睇淡，係投資者睇跌某一投資產品
• 平倉，係完結之前嘅睇好或睇淡投資
• 裂口，係指數或股價突然大升或大跌
• 打莊，係指人為操控股價上升或下跌
• 尾水，係股價大升後到最尾階段，將會回落
• 搭棚，係指喺交易系統見到人為嘅假買賣排隊
• 大孖沙，係Big Master，指一啲富豪級嘅投資者
• 藍燈籠，指啲當股價升嘅時候，提示到整體股市就快跌嘅藍籌股
• 財技，唔正路，高技術嘅財務手段
• 財演，財經演員，成日經傳媒放流料呃人
• 孖展，英文Margin音譯
• 窩輪，認股證 Warrants 英文之音譯
• 打靶，其一意思係牛熊證到左回收價，會即時畀發行商強制收回，為之打靶

香港廣東話錢嘅大細叫法

港幣出現時，有四個單位——文（mil／m）、分（cent／c）、角（冇專用英文單位或符號）及元（dollar／$），喺貨幣上嘅對應用字分別係「文」、「仙」、「毫」及「圓」。家陣「文」同「仙」嘅實體貨幣已經唔流通，「文」甚至連喺契約同電子交易都冇再用到。

而家，元通常講成「緡man¹」。若果數目係單字「幾」、「一」、「二」、「三」、「四」、「五」、「六」、「七」、「八」、「九」、「十」或「廿」，會用「緡」或「緡妓man¹ gai¹ 」跟尾；兩字數目（包括「卅呀saa¹ aa⁶」、「四呀sei³ aa⁶」……）嘅只會跟「緡」；一千或以上，有時跟「緡」，有時冇，視乎講嗰位覺得算多定少；銀碼極大時（大概由10萬起），唔跟字。放喺「文」、「仙」及「毫」之前嘅數目只有「幾」、「一」、「二」、「三」、「四」、「五」、「六」、「七」、「八」或「九」；逢十進位。

有理論話「文man¹」同「蚊」嘅本字都係「緡man¹」，隨時代形音義漸改；而「雞」代表「妓gai¹」。

以下有堆今時今日，唔係個個都聽得明哂嘅俗語講法：

1m（$0.001）	= 一文（錢）（jat¹ man⁴ ［cin⁴］）
1c($0.01)	= 一（個）仙／先（音譯自英文「cent」）；喺郵票度，眾數單位係先時（音譯自英文「cents」）
5c($0.05)	= 一個斗零（jat¹ go³ dau² ling²）
10c($0.1)	= 一粒臣（jat¹ lap¹ san²）／毫（子）
$1	= 一銀（嘢）（jat¹ ngan² ［je⁵］）/一雞（嘢）／一蚊（雞）/（一個）大餅／一雞屎
$5	= 大棉胎（第一款五蚊紙好大張）；後來「大棉胎」泛指各種尺寸大嘅銀紙
$10	= 青蟹（ceng¹ haai⁵）（舊時十蚊紙係綠色）／一條（jat¹ tiu²）（嘢）／一兜（嘢）／一草（嘢）／花蟹（新版十蚊紙花哩碌）／紙花蟹（紙製新版十蚊紙）／膠（花）蟹（膠製新版十蚊紙）
$20	= 肥蟹
$50	= 紫蟹（舊款五十蚊銀紙紫色）／傻蟹
$100	= 紅衫魚（張錢粉紅色）／一篙（水）（jat¹ gau⁶ ［soei²］；俗寫成「一嚿［水］」）／一斤（嘢）
$500	= 大（水）牛／啡牛（張嘢咖啡色）／「啡妹」、「光頭佬」、「老鼠斑」、「青斑」同「駝背佬」各用於特定版本嘅五百蚊紙
$1000	= 一差（水／嘢）（jat¹ caa¹/caai¹ ［seoi² /je⁵］；又寫成「一叉（水/嘢）」）／一撇水（千字開頭筆劃）／一戙水（千字嘅中間一戙）／金牛（銀紙橙黃色）／1K（跟英文）／一猜（嘢）／一支（嘢）
$10000	= 一皮（嘢）／一盆（水）／一餅（嘢）／一粒／一雞／一個
$1,000,000	= 一球／1M（跟英文）[⼀百萬]
$10,000,000	= 一針 [⼀千萬]
$1,000,000,000	= 一碼 / 1B (跟英文) [十億]