財務報表

財務報表係用嚟表達一間企業或者機構嘅財務活動同埋狀況，有四個主要嘅組成部分。

財務報表嘅作用係盡可能清晰、簡明咁為讀者提供有關企業嘅財務信息。企業嘅財務報表通常包括損益表、資產負債表、權益變動表同現金流量表。

會計期間一般係以月做單位（有啲地方甚至用星期做單位），內部用嘅財務報表唔需要審核，讀者主要係機構嘅管理層。對外公佈嘅財務報表通常一年披露一次，上市公司會係每半年披露一次，甚至逐季披露。對外公佈嘅財務報表相對要求嚴格，須要有獨立核數師審核，就報表嘅「真實及公平」作出專業意見，讀者主要係機構嘅持份者，好似係股東、銀行、稅務局等等。對外嘅財務報表需要根據相關會計準則、公司法，甚至係證券交易所嘅要求，進行額外嘅詳細披露。財務報表通常由獨立核數師進行審核，以確保報表嘅準確性同獨立性，作為政府稅收、企業融資或者投資之用。經審核過嘅財務報表要喺每年嘅股東周年大會上，俾股東審閱同提問。

睇埋

呢篇同會計有關嘅文係楔位文。歡迎幫維基百科擴寫佢。