資產負債表

出自維基百科,自由嘅百科全書

資產負債表係財務報表嘅一種,用嚟報告一間企業或者機構喺某一日嘅財務狀況。

目的[編輯]

資產負債表報告一間企業喺特定時間點嘅資產、負債同股東權益,並且為計算回報率同評估資本結構提供基礎數字,係一份提供企業擁有嘅資產同欠債嘅一覽表,亦同時提供股東所佔嘅權益。

組成[編輯]

資產負債表主要分為三部分:資產、負債同股東權益。根據會計學嘅原則:

資產總額 = 負債總額 + 股東權益

資產可以根據流動性分為:

  • 非流動資產:預計使用年期多過一年嘅,例如係固定資產、專利權等等
  • 流動資產:預計將喺一年內變回現金或者使用,例如係應收帳款、存貨等等

亦可以分為:

  • 有形資產,例如係固定資產同現金
  • 無形資產,例如係智識產權同土地使用權

負債亦根據流動性分為:

  • 非流動負債:預計還款期多過一年,例如係長期銀行貸款、債券等等
  • 負債資產:預計將要喺一年內支付嘅欠款,例如係應付貨款、應付薪金等等

股東權益有兩部份,股本同儲備。儲備又有兩大類:

  • 可分配儲備,如累計溢利、股份溢價
  • 不可分配儲備,例如物業重估儲備、資本贖回儲備等等

比率分析[編輯]

利用資產負債表上嘅資料,加埋其他財務報表,讀者可以做比例分析,嚟評估企業嘅表現,或者比較唔同企業之間嘅表現,從而作出投資決定。以下係部分常用嘅比例分析。

睇埋[編輯]