貶值

出自維基百科,自由嘅百科全書

貶值depreciation),又叫折舊,係指一件資產嘅價值或者價錢隨住時間下跌。

會計[編輯]

會計學入帳方面,有兩件事要做,第一就係喺資產負債表記錄件資產嘅公平價值降低,第二就係將呢個差異以「損失」嘅形式攤分落去件物件嘅使用年份記落去損益表到。

折舊方法[編輯]

折舊係將固定資產嘅可折舊金額(成本減去預計殘值)分攤落預計佢嘅使用年限。殘值係指固定資產到咗使用年限,但依然用得有二手價,或者折骨可以賣錢,咁就係殘值。

折舊一般有下面幾種方法。

直線法[編輯]

直線法係將可折舊金額按使用年限平均分俾佢嘅使用年份。

餘額遞減法[編輯]

餘額遞減法係將固定資產嘅期初帳面淨值(成本減累計折舊)乘以一個固定嘅百分率,計算嗰期嘅折舊。

年數總和法[編輯]

年數總和法採用固定資產嘅使用年限,將每年數字加埋;如果預計會用五年,會得到總數 15(5 + 4 + 3 + 2 + 1),然後由第一年15份之5,第二年15份之4,如此類推咁分攤個可折舊金額作為當年折舊。

工作量法[編輯]

工作量法預計固定資產(一般係機器)所能夠生產嘅產品數量,計算每件產品嘅抑舊成本,然後按照當年/當期生產數量計算應承擔嘅折舊成本。

睇埋[編輯]