元宵
元宵，東亞節日，指傳統曆正月十五，唐人認定新年最後一日，但有啲地方會包埋前後幾日。唐人會食湯丸過節，亦通常有花燈會，可以睇花燈同埋猜燈謎。新界有啲地方仍然有點燈嘅習俗。又叫中國情人節或者元宵節，舊時呢日啲男女出外睇燈，順便結識。元宵個元可指上元，宵指夜，呢日夜晚月光好圓。佢又叫燈節，英文叫佢燈籠節。
來源一說漢時經已有，話呂雉之後，劉恆登位，十五嗰日，出宮同民間慶i祝，叫做元夕、元夜咁。但亦有說追至秦末，持火把驅蟲求今年豐收。
道教一年有上元、中元、下元三節。上元拜天官，中元拜地官，下元拜水官。而越南都跟道教叫做上元節 （tết Thượng Nguyên 節上元）。而日本就叫小正月，朝鮮就叫大滿月。
上元節
[編輯]上元天官誕（粵拼：soeng6 jyun4 tin1 gun1 daan3）亦係新年至後嗰日，傳統曆正月十五，簡稱上元節、元宵節上層、減筆寫做上元天官𧩙、上元天官旦，長名上元天官賜福聖誕，係上元天官，即係天官[1][2]嘅寶誕。寶誕響正月十五 [3]。上元天官誕又叫上元節 [4]、或者上元，係道敎重要節日，亦係唐人重要節日。
攷
[編輯]- ↑ 〈天官大帝〉。原著喺2009年3月9號歸檔。喺2009年11月11號搵到。
- ↑ 〈上元節天官大帝賜福的由來，完整介紹! : 陽明山七星燈官方網站〉。《陽明山七星燈官方網站-姜太公道場》。喺2026-03-03搵到。
- ↑ 《廣經堂通勝》
- ↑ 〈你知道什麼是上元節嗎？〉。《台中廣天宮財神開基祖廟》 (臺灣中文)。喺2026-03-03搵到。