內閣

英國唐寧街10號係總理同埋內閣嘅辦公室

喺斯洛伐克嘅首都布拉迪斯拉發，國家政府同內閣喺呢棟大廈度返工

內閣 (英文：Cabinet) 係政府嘅行政入面最主要嘅一班部長。佢哋一般都係由個政府首腦嚟任命，而且係負責處理政府每日嘅運作。同立法機關或者法院唔一樣，內閣係冇一個已經定好咗嘅時間表嚟跟，而係隨住每一日嘅需要嚟決定。

功能

個內閣嘅功能主要都係：基於國家當時嘅情況，嚟決定同提出最好嘅政策。喺唔同國家，個內閣可能好有權，亦可能冇任何實際嘅政治權力。不過，佢哋好多時都仍然會影響到個議會提出嘅法案，有時更加係會準備定啲草案去國會。

制度分別

喺議會制嘅國家，例如英國，個內閣一般都係比較有把炮，可以同總理一齊做決定，不過有事就通常都要一齊孭。相反，喺總統制嘅國家，例如美國，個內閣主要都係做咨詢，個最終決定就留返畀總統做。