跳去內容

全國「雙百」評選

出自維基百科,自由嘅百科全書

全國「雙百」人物評選[a]係一次喺2009年搞嘅評選活動,目的係嚟慶祝中華人民共和國成立嘅60周年。呢次活動係由中共入面嘅總共11個團體負責包辦[b]

評選準則[編輯]

根據主辦單位,「100位為新中國成立作出突出貢獻嘅英雄模範人物」嘅標準係:「為咗民族獨立同人民解放英勇犧牲,值得永遠銘記嘅革命先烈;為咗黨同人民嘅事業不懈奮鬥嘅基層優秀共產黨員、戰鬥英雄同革命群眾嘅傑出代表;堅決擁護同支持革命事業,積極從事進步活動嘅著名民主愛國人士同國際友人;响全民族抗戰期間頑強嘅奮戰、為國捐軀嘅愛國將士」。名單入面嘅人,都會係由中國共產黨誕生到中華人民共和國成立期間做過啲大事,即係1921年到1949年呢28年。

至於「100位新中國成立以嚟感動中國人物」,佢嘅標準就係:「堅決貫徹落實黨嘅路線方針政策,堅定理想信念,記實黨嘅宗旨,廉潔奉公,一心為民嘅基層優秀黨員幹部;為國家發展、民族振興、社會和諧、人民幸福作出重大貢獻嘅各行各業傑出代表;响平凡崗位入面做出唔平凡嘅業績嘅工人農民知識分子解放軍官兵、青年學生同埋其他先進典型」。名單入面嘅人,就係自從中華人民共和國喺1949年成立以嚟,做過啲大事嘅人。

候選人提名[編輯]

全國「雙百」人物嘅評選活動,係由2009年5月中開始。國家嘅唔同地區同唔同部門都好重視佢,所以亦都精心咁組織。主辦單位亦都通過唔同嘅大眾媒體嚟收納普羅大眾嘅提名,其中包括用寫互聯網社交媒體、打電話、同手機嘅短信等等嘅方法。

評選嘅委員會喺經過評議之後,正式宣佈有300個人正式成為咗評選之中嘅候選人。

投票[編輯]

喺2009年7月20號,主辦單位公佈全國「雙百」評選嘅候選人。由呢日到8月10號期間,中華人民共和國嘅唔同人都可以用報紙或者手機投票,揀佢哋心目中最鍾意嘅候選人。主辦單位亦都提供咗監督電話,嚟確保個選舉係公正

喺20日嘅投票時間裏面,投票嘅人數有差唔多1億。經過唔同部門嘅審核同埋委員會專家都投埋票之後,啲結果最終喺9月10號推出。

評選結果[編輯]

下面係評選嘅贏家一覽[1]

英雄模範[編輯]

基於個姓氏筆劃排序,「100位為新中國成立作出突出貢獻嘅英雄模範人物」嘅名單係:八女投江于化虎小葉丹馬本齋馬立訓方志敏毛澤民毛澤覃王爾琢王盡美王克勤王若飛鄧萍鄧中夏鄧恩銘韋拔群馮平盧德銘葉挺葉成煥左權白求恩任常倫關向應劉老莊連劉伯堅劉志丹劉胡蘭吉鴻昌向警予尋淮洲戎冠秀朱瑞江上青江竹筠許繼慎阮嘯仙何叔衡佟麟閣吳運鐸吳煥先張太雷張自忠張學良張思德曠繼勳李白李林李大釗李公樸李兆麟李碩勳楊殷楊子榮楊開慧楊虎城楊靖宇楊闇公蕭楚女蘇兆征鄒韜奮陳延年陳樹湘陳嘉庚陳潭秋冼星海周文雍陳鐵軍夫婦、周逸群明德英林祥謙羅亦農羅忠毅羅炳輝鄭律成惲代英段德昌賀英趙一曼趙世炎趙尚志趙博生趙登禹聞一多埃德加·斯諾夏明翰格里戈里·庫里申科狼牙山五壯士聶耳郭俊卿錢壯飛黃公略彭湃彭雪楓董存瑞董振堂謝子長魯迅蔡和森戴安瀾瞿秋白

感動中國[編輯]

基於個姓氏筆劃排序,「100位新中國成立以嚟感動中國人物」嘅名單係:丁曉兵馬萬水馬永順馬恆昌馬海德中國女排五連冠群體、孔祥瑞孔繁森文花枝方永剛方紅霄毛岸英王杰王選王瑛王樂義王有德王啟民王進喜王順友鄧平壽鄧建軍鄧稼先叢飛包起帆史光柱史來賀葉欣甘遠志申紀蘭白芳禮任長霞劉文學劉英俊華羅庚向秀麗廷·巴特爾許振超達吾提·阿西木邢燕子吳大觀吳仁寶吳天祥吳金印吳登雲宋魚水張華張雲泉張秉貴張海迪時傳祥李四光李春燕李桂林陸建芬夫婦、李素芝李夢桃李登海楊利偉楊懷遠楊根思蘇寧谷文昌邰麗華邱少雲邱光華邱娥國陳景潤麥賢得孟泰孟二冬林浩林巧稚林秀貞歐陽海羅映珍羅健夫羅盛教草原英雄小姐妹趙夢桃鍾南山唐山十三農民容國團徐虎秦文貴袁隆平錢學森常香玉黃繼光彭加木焦裕祿蔣築英謝延信韓素雲竇鐵成賴寧雷鋒譚彦譚千秋譚竹青樊錦詩

[編輯]

  1. 全名係100位為新中國成立作出突出貢獻的英雄模範人物同100位新中國成立以來感動中國人物評選
  2. 包括:宣傳部組織部統戰部文獻研究室黨史研究室民政部人力資源社會保障部全國總工會共青團全國婦聯、同解放軍總政治部

[編輯]

  1. . 香港文匯報.