公仇稱

公仇稱
孫堅 官員
活躍時期	190年
遞啲名

公仇稱（仇讀求，粵拼：gung1 kau4 cing1；？—？），係東漢末年、三國初年嘅人，係孫堅嘅手下。

喺190年爆發董卓討伐戰，孫堅有參戰，喺魯陽同袁術會盟後封爲破虜將軍。當年冬天，孫堅派長史公仇稱返去啲州郡度去督促軍糧。臨走時喺城東門外設帳擺酒席，同其他官員一齊送公仇稱。就喺宴會時，董卓派出數萬步騎攻擊孫堅，當時已經有數十輕騎先到。孫堅喺酒席上好淡定，命令軍隊要整企理個軍容，唔准妄動。之後騎兵越來越多，孫堅起身引軍入城，佢同啲人講，之所以佢唔急住起身，係驚驚動咗班士兵，噉董卓啲兵一來就潰不成軍。董卓部隊見孫堅軍隊軍容咁齊整，唔夠膽攻城而撤退。

參攷資料

• 陳壽。〈吳書：孫破虜討逆傳 — 孫堅傳〉. 《《三國志》》。｢當進軍討卓，遣長史公仇稱將兵從事還州督促軍糧。施帳幔於城東門外，祖道送稱，官屬並會。卓遣步騎數萬人逆堅，輕騎數十先到。堅方行酒談笑，敕部曲整頓行陳，無得妄動。後騎漸益，堅徐罷坐，導引入城。乃謂左右曰：『向堅所以不即起者，恐兵相蹈藉，諸君不得入耳。』卓兵見堅士眾甚整，不敢攻城，乃引還。｣