合桃鉗

出自維基百科,自由嘅百科全書
(由公仔合桃鉗跳轉過嚟)
正常合桃鉗
公仔合桃鉗

合桃鉗,又叫核桃鉗,係開合桃用嘅,將合桃殼夾爛,就可以攞入面嘅合桃仁。

德國,合桃鉗通常整成木頭公仔嘅形象,個樣似士兵國王公仔合桃鉗),聖誕節期間會當做聖誕禮物送畀人,仲吸引到人收藏

文化意義[編輯]

內文:合桃鉗 (芭蕾舞劇)

舉世聞名嘅芭蕾舞劇合桃鉗》(The Nutcracker)就有提到公仔合桃鉗[1]

《合桃鉗》講述聖誕節,細路女卡拉娜(Clara)由佢嘅教父嗰度收到一份特別嘅聖誕禮物-一個軍官造型嘅公仔合桃鉗;當晚,卡拉娜瞓唔著,半夜靜靜雞走去客廳嗰度睇佢個合桃鉗,仲攬住個合桃鉗瞓著咗;跟住喺卡拉娜再擘大眼嗰陣,發現自己縮細咗,仲俾一班老鼠包圍,跟手佢個合桃鉗出手救咗佢,然後兩個人仲一齊合力打敗入侵客廳嘅老鼠王同老鼠軍團,後嚟卡拉娜仲同合桃鉗鍾意咗對方,並且喺第二幕當中進入一個神奇魔法世界嗰度冒險。唔同版本嘅《合桃鉗》對呢個劇情有唔同嘅詮釋,有版本話卡拉娜發緊夢,又有版本話個合桃鉗查實有神奇魔法[1]

《合桃鉗》初頭俾好多評論家覺得佢細路仔得滯(因為主題係玩具同聖誕禮物),但打後美國芭蕾舞大師佐治·巴倫錢(George Balanchine)喺 1954 年整咗個紐約市芭蕾舞團版本公演,令到《合桃鉗》喺當時嘅美國掀起一股風潮,及後文化上強大嘅美國將佢啲文化產物-包括一啲有《合桃鉗》做主題嘅電影電視劇等-傳到去全世界。到咗廿一世紀,《合桃鉗》當中嘅樂曲喺聖誕節嗰陣會俾人周圍播(尤其係喺北美洲)-合桃鉗令芭蕾舞藝術當中嘅一啲元素成為咗聖誕節傳統嘅一部份[2]

睇埋[編輯]

[編輯]

  1. 1.0 1.1 Anderson, J. (1958). The Nutcracker Ballet, New York: Mayflower Books.
  2. Fisher, J. (2003). Nutcracker Nation: How an Old World Ballet Became a Christmas Tradition in the New World, New Haven: Yale University Press.

[編輯]