合桃鉗
跳去導覽
跳去搵嘢
搵緊芭蕾舞劇嘅話，請睇〈胡桃夾子〉。
合桃鉗，又叫核桃鉗，係開合桃用嘅鉗，將合桃殼夾爛，就可以攞入面嘅合桃仁。
喺德國，合桃鉗通常整成木頭公仔嘅形象，個樣似士兵同國王，聖誕節期間會當做聖誕禮物送畀人，仲吸引到人收藏。
文化意義[編輯]
舉世聞名嘅芭蕾舞劇《胡桃夾子》（The Nutcracker）就有提到公仔合桃鉗[1]。
《胡桃夾子》講述聖誕節，細路女卡拉娜（Clara）由佢嘅教父嗰度收到一份特別嘅聖誕禮物－一個軍官造型嘅胡桃鉗；當晚，卡拉娜瞓唔著，半夜靜靜雞走去客廳嗰度睇佢個胡桃鉗，仲攬住個胡桃鉗瞓著咗；跟住喺卡拉娜再擘大眼嗰陣，發現自己縮細咗，仲俾一班老鼠包圍，跟手佢個胡桃鉗出手救咗佢，然後兩個人仲一齊合力打敗入侵客廳嘅老鼠王同老鼠軍團，後嚟卡拉娜仲同胡桃鉗鍾意咗對方，並且喺第二幕當中進入一個神奇魔法世界嗰度冒險。唔同版本嘅《胡桃夾子》對呢個劇情有唔同嘅詮釋，有版本話卡拉娜發緊夢，又有版本話個胡桃鉗查實有神奇魔法[1]。
2016 年一場《胡桃夾子》當中嘅雪花之舞
.jpg)
《胡桃夾子》初頭俾好多評論家覺得佢細路仔得滯（因為主題係玩具同聖誕禮物），但打後美國芭蕾舞大師佐治·巴倫錢（George Balanchine）喺 1954 年整咗個紐約市芭蕾舞團版本公演，令到《胡桃夾子》喺當時嘅美國掀起一股風潮，及後文化上強大嘅美國將佢啲文化產物－包括一啲有《胡桃夾子》做主題嘅電影同電視劇等－傳到去全世界。到咗廿一世紀，《胡桃夾子》當中嘅樂曲喺聖誕節嗰陣會俾人周圍播（尤其係喺北美洲）－胡桃夾子令芭蕾舞藝術當中嘅一啲元素成為咗聖誕節傳統嘅一部份[2]。
攷[編輯]
 |